13 قاڭتاردان بەرى 200-دەن استام كاسىپكەرگە كەڭەس بەرىلدى
الماتىعا جاپپاي تارتىپسىزدىكتەر كەزىندە زارداپ شەككەن شاعىن جانە ورتا بيزنەس سۋبەكتىلەرىنە كەلتىرىلگەن شىعىندى انىقتاۋ ءۇشىن 50 پروكۋرور مەن 88 سوت-مەديسينالىق ساراپشى جىبەرىلدى. بۇل تۋرالى ونلاين بريفينگ بارىسىندا الماتى قالالىق كاسىپكەرلەر پالاتاسىنىڭ ديرەكتورى ايتۋار قوشمامبەتوۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ
«ءبىز بيزنەسى زارداپ شەككەن كاسىپكەرلەرگە ايعاقتاردى انىقتاۋ ءۇشىن پوليسياعا حابارلاسىپ، قىلمىس ىزدەرىنە تيىسپەۋدى سۇرادىق. پالاتانىڭ باستاماسىمەن 50 پروكۋرور جانە 88 تەرگەۋشى، كريميناليستەر جانە 30 سوت-مەديسينالىق ساراپشى، ونىڭ ىشىندە كەلتىرىلگەن شىعىندى ەسەپتەۋ ءۇشىن قالاعا 10 ەكونوميست ءبولىندى. پوليسيا زارداپ شەككەن كاسىپكەرلەر جابىرلەنۋشى دەپ تانىلعان قىلمىستىق ىستەر بويىنشا سوت-مەديسينالىق ساراپتاما تاعايىندايدى»، - دەدى ايتۋار قوشمامبەتوۆ.
سونىمەن قاتار، ول 13 قاڭتاردان الماتى قالالىق كاسىپكەرلەر پالاتاسىنىڭ بازاسىندا كاسىپكەرلەرگە ارنالعان كونسۋلتاسيا ورتالىعى قۇرىلعانىن ايتتى. اتالعان ورتالىقتا بۇگىنگى كۇنگە دەيىن 200-دەن استام كاسىپكەرگە كەڭەس بەرىلدى.