«Kutty meken» – ەتنيكالىق قازاقتارعا قانداس مارتەبەسىن بەرۋ بويىنشا مەملەكەتتىك قىزمەت كورسەتۋگە ارنالعان ءموبيلدى قوسىمشا.
ق ر ەڭبەك جانە حالىقتى الەۋمەتتىك قورعاۋ مينيسترلىگى مەن ق ر تۋريزم جانە سپورت مينيسترلىگى ەتنيكالىق قازاقتاردىڭ «قانداس» مارتەبەسىن الۋعا ءوتىنىش بەرۋ پروسەسىن جەڭىلدەتۋ ءۇشىن «eQonaq» اقپاراتتىق جۇيەسى نەگىزىندە قۇرىلعان «Kutty meken» بىرلەسكەن جوباسىن ىسكە قوستى، دەپ حابارلايدى Almaty-akshamy.kz.
ءموبيلدى قوسىمشانىڭ فۋنكسيونالى مەملەكەتتىك قىزمەت كورسەتۋ پروسەسىن ەداۋىر جەڭىلدەتەدى. ونىڭ كومەگىمەن شەتەلدە جۇرگەن ەتنيكالىق قازاقتار وزدەرى تۇرعان ەلدىڭ اۋماعىنان شىقپاي-اق «قانداس» مارتەبەسىن الۋعا ءوتىنىش بەرە الادى.
«Kutty meken» جوباسىن ىسكە اسىرۋ ۋاقىتتى ۇنەمدەۋگە جانە قۇجاتتارمەن جۇمىس ىستەۋ پروسەسىن جەڭىلدەتۋگە مۇمكىندىك بەرەدى.
اتالعان قوسىمشانى پايدالانۋ ءۇشىن Android جانە IOS قولدانۋشىلارى Play Market جانە App Store-دان جۇكتەپ الۋىنا بولادى.