قازاقستاندا كۇنباعىس مايى ءوندىرىسىنىڭ كولەمى ارتتى

10،2 پايىزعا ارتتى.

قازاقستاندا كۇنباعىس مايىن ءوندىرۋ مەن ونىڭ ەكسپورت كولەمى ارتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

ق ر اۋىل شارۋاشىلىعى مينيسترلىگى باسپا ءسوز قىزمەتىنىڭ حابارلاۋىنشا، مينيسترلىك تاراپىنان ىشكى نارىقتىڭ قاجەتتىلىگىن قامتاماسىز ەتۋ، باعانى تۇراقتاندىرۋ جانە قايتا وڭدەۋ كاسىپورىندارىن جۇكتەۋ ماقساتىندا 2021 جىلدىڭ قىركۇيەگىندە كۇنباعىس تۇقىمدارى مەن كۇنباعىس مايىنىڭ ەكسپورتىنا شەكتەۋلەر ەنگىزىلدى.

شەكتەۋ شارالارىن ەنگىزۋ ناتيجەسىندە كۇنباعىس مايىنىڭ بولشەك ساۋدا باعاسى تۇراقتاندى. 2021 جىلدىڭ قورىتىندىسى بويىنشا، تازارتىلعان كۇنباعىس مايىن ءوندىرۋ كولەمى 2020 جىلمەن سالىستىرعاندا 10،2 % ارتتى.

2022 جىلدىڭ وتكەن كەزەڭىندە كۇنباعىس مايىنىڭ ەكسپورتى وتكەن جىلدىڭ سايكەس كەزەڭىمەن سالىستىرعاندا 4،8 ەسە ارتتى (140،7 مىڭ توننا جانە 28،9 مىڭ توننا سايكەسىنشە).

جىل سايىن كۇنباعىس مايى ەكسپورتىنىڭ جالپى كولەمىنىڭ شامامەن 60 % وزبەكستانعا جەتكىزىلەدى، بۇل رەتتە كۇنباعىس مايىن وتكىزۋ نارىقتارىنىڭ كەڭەيۋى بايقالادى. ءداستۇرلى وزبەكستان، اۋعانستان، تاجىكستان، جۇڭگو ەلدەرىنەن باسقا، كۇنباعىس مايىن چەحيا، ليتۆا، تۇركيا ەلدەرىنە جەتكىزۋ جۇزەگە اسىرىلدى.

«شيكىزات بازاسىن دامىتۋدى ىنتالاندىرۋ ءۇشىن مايلى داقىلداردى وندىرۋشىلەرگە مەملەكەتتىك قولداۋ شارالارى كورسەتىلۋدە (ماي تۇقىمدارىن وڭدەۋگە تاپسىرۋ، تۇقىم، تىڭايتقىش، پەستيسيدتەر ساتىپ الۋعا سۋبسيديا بەرۋ جانە ت. ب.). سونىڭ ارقاسىندا وتكەن جىلى كۇنباعىس ەگۋ الاڭى 200 مىڭ گەكتارعا ۇلعايدى. بيىلعى جىلى كۇنباعىس سەبۋدى 20،7 مىڭ گەكتارعا ۇلعايتۋ جوسپارلانىپ وتىر»، - دەپ حابارلايدى قازاقپارات.