قازاقستان فرانسياعا قانداي تاۋارلاردى ەكسپورتتايدى؟

ەكسپورت 5%-عا ءوسىپ، $1،9 ملرد قۇرادى.

قازاقستان مەن فرانسيا اراسىنداعى تاۋار اينالىمى 2022 جىلعى قاڭتار-قىركۇيەكتە 2،5 ملرد دوللاردى قۇرادى. وتكەن جىلدىڭ سايكەس كەزەڭىندە بۇل كورسەتكىش 2،3 ملرد دوللار بولعان. بۇل تۋرالى Almaty-akshamy.kz ۇلتتىق ەكونوميكا مينيسترلىگىنە سىلتەمە جاساپ حابارلايدى.

2022 جىلعى قاڭتار-قىركۇيەكتە قازاقستاننان فرانسياعا ەكسپورت 5%-عا ءوسىپ، $1،9 ملرد قۇرادى.

قازاقستاننان فرانسياعا ەكسپورتتالاتىن نەگىزگى تاۋارلار: شيكى مۇناي - $1،7 ملرد (ۇلەسى 89،8%)، ۋران - $146،5 ملن (7،6%)، تيتان جانە ودان جاسالعان بۇيىمدار - $28 ملن (1،5%)، كۇكىرت - $10،2 ملن (0،53%)، سۋتەگى، ينەرتتى گازدار جانە باسقا بەيمەتاللدار - $1،9 ملن (0،1%)، ەلەكتر قوزعالتقىشتارى مەن گەنەراتورلارى - $1،3 ملن (0،07%).

2022 جىلعى قاڭتار-قىركۇيەكتە فرانسيادان قازاقستانعا يمپورت 8،1%-عا ءوسىپ، $512،6 ملن قۇرادى.

فرانسيادان قازاقستانعا يمپورتتالاتىن نەگىزگى تاۋارلار: ۆاكسينالار، قاننىڭ سارىسۋى، قان - $40،5 ملن (ۇلەسى 7،9%)، تۋربورەاكتيۆتى جانە ءتۋربوۆينتتى قوزعالتقىشتار، وزگە دە گاز تۋربينالار - $36،9 ملن (7،2%)، بولشەك ساۋدا ءۇشىن بۋىپ-تۇيىلگەن دارىلىك زاتتار - $36،7 ملن (7،2%)، كومىر ەلەكترودتارى - $22،4 ملن (4،4%)، راديولوكاسيالىق، راديوناۆيگاسيالىق اپپاراتۋرا - $17،1 ملن (3،3%)، ەلەكتر ترانسفورماتورلارى - $15،1 ملن (2،9%)، حوش ءيىستى زاتتاردىڭ قوسپالارى - $12،7 ملن (2،5%)، گەربيسيدتەر - $11،9 ملن (2،3%).