قازاقستاندا كوشى-قون ساياساتىنىڭ جاڭا تۇجىرىمداماسى ازىرلەندى

جاڭا وزگەرتۋلەر وتاندىق ەكونوميكانىڭ دامۋىنا ىقپال ەتەدى.

ەڭبەك جانە حالىقتى الەۋمەتتىك قورعاۋ مينيسترلىگى قازاقستان رەسپۋبليكاسىنىڭ كوشى-قون ساياساتىنىڭ 2023-2027 جىلدارعا ارنالعان تۇجىرىمداماسىن ازىرلەدى، دەپ حابارلايدى Almaty-akshamy.kz Egemen.kz سىلتەمە جاساپ.

ەڭبەك مينيسترلىگىندە اتاپ وتىلگەندەي، ۇزدىك الەمدىك پراكتيكالارعا نەگىزدەلگەن ەلدىڭ جاڭا كوشى-قون ساياساتى ۇلتتىق ەرەكشەلىكتەرگە بەيىمدەلىپ، وتاندىق ەكونوميكانىڭ دامۋىنا ىقپال ەتەدى.

ول ءۇشىن كەلەسى نەگىزگى مىندەتتەردى شەشۋ قاجەت:

• ەل ىشىندەگى تەڭگەرىمسىزدىكتەر مەن مەملەكەتتىڭ حالىقارالىق مىندەتتەمەلەرىن ەسكەرە وتىرىپ، كوشىپ كەلۋشىلەردىڭ جەكەلەگەن، تالاپ ەتىلەتىن ساناتىن قازاقستاندىق قوعامعا قولايلى ينتەگراسيالاۋ مۇمكىندىگىن بەرە وتىرىپ، قازاقستاندى بىلىكتى كادرلاردى تارتۋ ورتالىعىنا اينالدىرۋ ءۇشىن جاعدايلار قالىپتاستىرۋ؛


• ەلدەن تىس جەرلەردەگى قازاقستان ازاماتتارىنىڭ قۇقىقتارىن ءتيىمدى قورعاۋ جۇيەسىن قۇرۋ؛


• جيناقتالعان دەموگرافيالىق تەڭگەرىمسىزدىكتى رەتتەۋدىڭ ءتيىمدى قۇرالدارى مەن تەتىكتەرىن ەنگىزۋ. 

قۇجاتتا اتاپ وتىلگەندەي، كوشى-قون سالاسىنداعى مەملەكەتتىك ساياسات قىسقا، ورتا جانە ۇزاق مەرزىمدى كەزەڭدەرگە ارنالعان وقيعالاردى دامىتۋدىڭ بولجامدى سەنارييلەرىن ازىرلەۋ جانە شەشىمدەر قابىلداۋدىڭ بارىنشا اشىق جۇيەسىن قالىپتاستىرۋ ءۇشىن دەرەكتەردىڭ ۇلكەن اۋقىمىن وڭدەۋدىڭ قازىرگى زامانعى اقپاراتتىق جۇيەلەرى مەن تەحنولوگيالارىمەن سۇيەمەلدەنەدى.

ايتا كەتسەك، قۇجاتتا ۇسىنىلعان شارالار شەڭبەرىندە تاپشى ماماندىقتار بويىنشا 500 ۇزدىك مامان تارتۋ كوزدەلەدى.

قۇجاتتىڭ تولىق نۇسقاسىمەن «اشىق نقا» سايتىندا تانىسۋعا بولادى. وندا ول 19 قىركۇيەككە دەيىن تالقىلاۋ ءۇشىن ورنالاستىرىلعان.