بۇل «باقىلاۋدى» تالاپ ەتەتىن شتامدارعا جاتادى.
قازاقستاننىڭ دەنساۋلىق ساقتاۋ مينيسترلىگى ءاربىر قازاقستاندىقتى ءوز دەنساۋلىعىن جانە جاقىندارى مەن تۋىستارىنىڭ دەنساۋلىعىن ساقتاۋعا قامقورلىقپەن قاراۋعا شاقىرادى. سەبەبى رەسپۋبليكانىڭ ءتورت وڭىرىنەن ماماندار كوروناۆيرۋستىڭ جاڭا شتامى بارىن انىقتاعان، دەپ حابارلايدى Almaty-akshamy.kz.
كۆي-دىڭ جاڭا شتامى پايدا بولعانى تۋرالى دەنساۋلىق ساقتاۋ ءمينيسترى الەكسەي سوي الەۋمەتتىك جەلىلەردە حابارلادى.
«دەنساۋلىق ساقتاۋ مينيسترلىگى اعىمداعى جىلدىڭ شىلدە-تامىز ايلارىندا كۆي ناۋقاستارىنان الىنعان وڭ زەرتحانالىق ۇلگىلەردى سەكۆەنيرلەۋ ادىسىمەن كوروناۆيرۋستىق ينفەكسياعا گەنەتيكالىق زەرتتەۋ جۇرگىزدى. سەكۆەنيرلەۋ قورىتىندىلارى بويىنشا قازاقستان رەسپۋبليكاسىندا 96 ۇلگىدە شتامدار اينالىمى بەلگىلەنگەن (Delta «ءۇندى شتامى» - 57 (59،4%)، Alpha «بريتاندىق» - 24 (25%)، «ۋحان» كوروناۆيرۋسى - 10 (10،4%) جانە eta «نيگەريا» - 5 (5،2%)). Eta «نيگەريا» شتامىنىڭ اينالىمى 4 وڭىردە ايقىندالدى (قاراعاندى - 1، ماڭعىستاۋ - 2، پاۆلودار - 1، نۇر-سۇلتان - 1). «Eta» شتامىنىڭ پايدا بولۋى 2020 جىلدىڭ جەلتوقسانىندا بەلگىلى بولدى، اۋرۋدىڭ العاشقى جاعدايلارى نيگەريا مەن ۇلىبريتانيادا انىقتالدى»، - دەپ جازدى مينيستر جەلىدە.
دۇنيەجۇزىلىك دەنساۋلىق ساقتاۋ ۇيىمىنىڭ 2021 جىلعى 15 قىركۇيەكتەگى دەرەكتەرى بويىنشا Eta شتامى الەمنىڭ 77 ەلىندە بولىنگەن، ددۇ ساناتى بويىنشا «باقىلاۋدى» تالاپ ەتەتىن شتامدارعا جاتادى.
كلينيكالىق بەلگىلەرى Alpha (بريتاندىق) جانە Beta (وڭتۇستىك افريكا) شتامدارى (جوعارى قىزبا، جوتەل، ءيىس پەن ءدام جوعالتۋ، اۋىر اۋرۋ جانە ت.ب.) سياقتى.
«وسىعان بايلانىستى دەنساۋلىق ساقتاۋ مينيسترلىگى ءاربىر قازاقستاندىقتى ءوز دەنساۋلىعىن جانە جاقىندارى مەن تۋىستارىنىڭ دەنساۋلىعىن ساقتاۋعا قامقورلىقپەن قاراۋعا شاقىرادى. ينفەكسيادان جانە اۋرۋحاناعا جاتقىزۋدان قورعاۋدىڭ جالعىز ءتيىمدى ءادىسى - COVID19 ۆاكسيناسياسىنىڭ اياقتالعان كۋرسى»، - دەپ تولىقتىردى مينيستر ءوز ءسوزىن.
ءمينيستردىڭ ايتۋىنشا، ۆيرۋستىڭ تارالۋ ءقاۋپىن ازايتۋ ءۇشىن بارلىق الدىن الۋ شارالارىن ساقتاۋ قاجەت: ماسكا كيۋ، الەۋمەتتىك قاشىقتىقتى ساقتاۋ، قول گيگيەناسى، ءۇي-جايلاردى جەلدەتۋ جانە ت.ب.