قازاقستان مەن بەلارۋس ەلدەرى اراسىنداعى وندىرىستىك الەۋەت ارتىپ كەلەدى.
قازاقستان مەن بەلارۋس ماشينا جاساۋ سالاسىنداعى ارىپتەستىك اياسىن كەڭەيتەدى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
ءقازىر ەلىمىزدىڭ اۋماعىندا اتالعان ەل تەحنيكاسى مەن قۇرىلعىلارىن شىعاراتىن 7 ءىرى بىرلەسكەن ءوندىرىس وشاعى بار. ولاردىڭ دەنى – كولىك جينايتىن زاۋىت. بيىلدىڭ العاشقى 7 ايىندا عانا بىلتىر جىل بويى قولدانىسقا بەرىلگەن تراكتورلار مەن كومبايندار قۇراستىرىلعان.
تەحنيكا كولەمى مەن ءوندىرىستىڭ قۋاتىن ەسەلەۋمەن قاتار قازاقستاندىق ۇلەستى ارتتىرۋ جاعىنا دەن قويىلىپ وتىر.
قازاقستان رەسپۋبليكاسىنداعى بەلارۋس رەسپۋبليكاسىنىڭ توتەنشە جانە وكىلەتتى ەلشىسى پاۆەل ۋتيۋپين ايتىپ بەردى.
ءبىز لوكاليزاسيالىق ءۇردىستى تەرەڭدەتەتىن بولامىز. كەلەر جىلى كابينالاردى تولىقتاي شىعارۋعا ارنالعان ءوندىرىستى ىسكە قوسامىز. ولار وسى جەردە جينالىپ، قازاقستان اۋماعىنداعى وندىرىستىك الاڭدارعا جەتكىزىلەتىن بولادى. قازاقستاندا وعان قاجەتتى وزگە دە جوبالار قولعا الىنۋدا. ماسەلەن، قوزعالتقىشتار شىعاراتىن زاۋىت، قوزعالتقىشتارعا قاجەتتى قوسالقى بولشەكتەر جاسايتىن جوبالارىمىز بار، - دەدى ول.