قازاقستاندا كوپ پاتەرلى ۇيلەردىڭ تۇرعىندارى ءۇشىن ونلاين-داۋىس بەرۋ قۇرالدارى پايدا بولادى

وسى ارقىلى ونلاين جينالىستار وتكىزۋگە بولادى.

قازاقستان ۇكىمەتى ونلاين داۋىس بەرۋ قۇرالدارىن شىعارۋعا جۇمىس جۇرگىزىپ جاتىر، دەپ حابارلايدى Almaty-akshamy.kz Ortcom.kz سىلتەمە جاساپ.

«ق ر «تۇرعىن ءۇي قاتىناستارى تۋرالى» زاڭى اقپاراتتاندىرۋ وبەكتىلەرى ارقىلى داۋىس بەرۋگە مۇمكىندىك بەرەدى»، -  دەلىنگەن ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ باسپا ءسوز حابارلاماسىندا.

تكش سالاسى كوپ پاتەرلى تۇرعىن ۇيلەردىڭ كوندومينيۋم وبەكتىلەرىن باسقارۋدىڭ جاڭا نىسانىنا كوشىرۋ رەفورماسىن ىسكە اسىرۋدى قاجەت ەتەدى. ول ءۇشىن كوپ پاتەرلى ۇيلەردىڭ تۇرعىندارى جالپى جينالىس وتكىزىپ، مەنشىك نىسانىن – مۇلىك يەلەرىنىڭ بىرلەستىگىن نەمەسە سەرىكتەستىكتى انىقتاۋى قاجەت.

الايدا، بۇل پروسەسس قيىن، ويتكەنى داۋىس بەرۋ كەزىندە كوپ پاتەرلى تۇرعىن ءۇيدىڭ پاتەرلەرى/ءۇي-جايلارى يەلەرىنىڭ جالپى سانىنان 50%-دان استامىنىڭ داۋىسى تىركەلۋى كەرەك، ال مۇنداي داۋىستاردى قىسقا مەرزىمدە جيناۋ مۇمكىن ەمەس.

پروسەدۋرالاردى جەڭىلدەتۋ ءۇشىن سيفرلىق دامۋ، يننوۆاسيالار جانە اەروعارىش مينيسترلىگى يندۋستريا جانە ينفراقۇرىلىمدىق دامۋ مينيسترلىگىمەن بىرلەسە وتىرىپ، ونلاين داۋىس بەرۋ قۇرالدارىن شىعارۋعا جۇمىس جۇرگىزۋدە.

ق ر «تۇرعىن ءۇي قاتىناستارى تۋرالى» زاڭى اقپاراتتاندىرۋ وبەكتىلەرى ارقىلى داۋىس بەرۋگە مۇمكىندىك بەرەدى.

بۇگىنگى تاڭدا قازاقستاندا «Aula»، «e-Knot»، «باسقارما» سياقتى اقپاراتتىق جۇيەلەر ىسكە اسىرىلدى. ولار ونلاين جينالىستار وتكىزۋگە جانە داۋىس جيناۋعا مۇمكىندىك بەرەدى.