سيفرلىق دامۋ مينيسترلىگى "ازاماتتارعا ارنالعان ۇكىمەت" مەملەكەتتىك كورپوراسياسى ىسكە اسىراتىن كوممەرسيالىق زاڭدى تۇلعالاردى مەملەكەتتىك تىركەۋ جانە ولاردىڭ فيليالدارى مەن وكىلدىكتەرىن ەسەپتىك تىركەۋ بويىنشا كورسەتىلەتىن قىزمەتتەردىڭ باعالارىن بەكىتۋ تۋرالى بۇيرىق جوباسىن دايىندادى، دەپ حابارلايدى اlmaty-akshamy.kz.
ازىرلەۋشىلەر كوممەرسيالىق ۇيىمداردى، فيليالدار مەن وكىلدىكتەردى مەملەكەتتىك تىركەۋدىڭ مىناداي قۇنىن بەلگىلەۋدى ۇسىنادى:
زاڭدى تۇلعالاردى مەملەكەتتىك تىركەۋ، ولاردىڭ فيليالدارى مەن وكىلدىكتەرىن ەسەپتىك تىركەۋ:
شاعىن جانە ورتا بيزنەس ءۇشىن – تەگىن؛
ءىرى كاسىپكەرلىك سۋبەكتىلەرى، سونداي-اق فيليالدار مەن وكىلدىكتەردى تىركەۋ ءۇشىن – 9 885،38 تەڭگە (مەملەكەتتىك كورپوراسيانىڭ ءفرونت-وفيسى ارقىلى تىركەۋ كەزىندە)، 9 699،17 تەڭگە (ەلەكتروندىق ۇكىمەت پورتالى (ەۇپ) ارقىلى تىركەۋ كەزىندە).
زاڭدى تۇلعالاردى مەملەكەتتىك قايتا تىركەۋ، ولاردىڭ فيليالدارى مەن وكىلدىكتەرىن ەسەپتىك قايتا تىركەۋ:
بارلىق پاندەر بويىنشا تولەنەدى. قۇنى 10 009،51 تەڭگەنى (مەملەكەتتىك كورپوراسيانىڭ ءفرونت-وفيسى ارقىلى تىركەۋ كەزىندە)، 9 823،31 تەڭگەنى (پەپ ارقىلى تىركەۋ كەزىندە) قۇرايدى.
زاڭدى تۇلعانىڭ قىزمەتىن توقتاتۋدى، فيليالدار مەن وكىلدىكتەردى ەسەپتىك تىركەۋدەن شىعارۋدى مەملەكەتتىك تىركەۋ:
شاعىن جانە ورتا بيزنەس ءۇشىن – تەگىن؛
ءىرى كاسىپكەرلىك سۋبەكتىلەرى ءۇشىن، سونداي-اق فيليالدار مەن وكىلدىكتەردى ەسەپتىك تىركەۋدەن شىعارۋ ءۇشىن – 9 736،41 تەڭگە (مەملەكەتتىك كورپوراسيانىڭ ءفرونت-وفيسى ارقىلى تىركەۋ كەزىندە)، 9 637،10 تەڭگە (ەلەكتروندىق ۇكىمەت پورتالى (ەۇپ) ارقىلى تىركەۋ كەزىندە).
جوبا 2023 جىلدىڭ 25 جەلتوقسانىنا دەيىن قوعامدىق تالقىلاۋ ءۇشىن اشىق نقا پورتالىندا ورنالاستىرىلعان.
قازىرگى ۋاقىتتا كوممەرسيالىق ۇيىمداردى قوسپاعاندا، زاڭدى تۇلعالاردى، ولاردىڭ فيليالدارى مەن وكىلدىكتەرىن مەملەكەتتىك تىركەۋ/قايتا تىركەۋ ءۇشىن الىم مولشەرلەمەلەرى سالىق كودەكسىمەن بەلگىلەنەدى.
بۇل رەتتە، قازاقستان رەسپۋبليكاسى سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى بەرگەن تۇسىنىكتەمەگە سايكەس، كوممەرسيالىق زاڭدى تۇلعالاردى تىركەۋ قۇنى كوممەرسيالىق ۇيىمدار بولىپ تابىلمايتىن زاڭدى تۇلعالاردى مەملەكەتتىك تىركەۋ (قايتا تىركەۋ) ءۇشىن الىناتىن تىركەۋ الىمىنا تەڭ جانە 6،5 اەك قۇرايدى ( 2023 جىلى 22 425 تەڭگە).