رەسپۋبليكا بويىنشا 64 مەكتەپ مۇعالىمدەرى مەن كوللەدج وقىتۋشىلارى «ۇزدىك پەداگوگ» اتاعىنا يە بولدى. توپ جارعانداردىڭ اراسىندا الماتى قالاسىنىڭ 6 ۇستازى بار:
- «ش.ءۋاليحانوۆ اتىنداعى № 12 مامانداندىرىلعان گيمنازيا» كمم قازاق ءتىلى مەن ادەبيەتى ءپانىنىڭ ءمۇعالىمى — دۋسيمبايەۆا ءمولدىر ۇسەن قىزى
- «م.ماقاتايەۆ اتىنداعى №140 گيمنازيا» كمم تاريح ءپانىنىڭ ءمۇعالىمى — ساعىنعالييەۆ داۋرەن ناۋرىزباي ۇلى
- «تۋريزم جانە قوناقجايلىلىق يندۋسترياسى كوللەدجى» وندىرىستىك وقىتۋ شەبەرى — مامەتايەۆا گۇلجان ءابىلداي قىزى
- «الماتى سەرۆيستىك قىزمەت كورسەتۋ كوللەدجى» كمقك ارنايى پاندەر وقىتۋشىسى — تەمىربەكوۆا ايجان بولات قىزى
- «الماتى ءسان جانە ديزاين كوللەدجى» كمقك وندىرىستىك وقىتۋ شەبەرى — اۋباكىروۆا جاناركۇل بەردىكوجا قىزى
- «الماتى مەملەكەتتىك ەنەرگەتيكا جانە ەلەكتروندىق تەحنولوگيالار كوللەدجى» مكقك ارنايى پاندەر وقىتۋشىسى — سەرىكحانوۆا اقبوتا بەرىكحان قىزى
رەسپۋبليكانىڭ ۇزدىك پەداگوگتارىن ق ر وقۋ-اعارتۋ ءمينيسترى عاني بەيسەمبايەۆ ماراپاتتادى. جەڭىمپازدارعا «ۇزدىك پەداگوگ» توسبەلگىسىن جانە 3 450 000 (1000 اەك) كولەمىندە اقشالاي سىياقى تابىستالدى.
ايتا كەتەيىك، «ۇزدىك پەداگوگ» اتاعىنا ءبىلىم بەرۋ ۇيىمدارىندا جۇمىس ىستەيتىن جانە كەمىندە بەس جىل ۇزدىكسىز پەداگوگيكالىق ءوتىلى بار ۇستازدار ۇمىتكەر بولا الادى. بايقاۋعا مەكتەپكە دەيىنگى، ورتا، تەحنيكالىق جانە كاسىپتىك ءبىلىم بەرۋ ۇيىمدارىنىڭ شتاتتاعى پەداگوگتەرى قاتىستى.
«ۇزدىك پەداگوگ» كونكۋرسى 2012 جىلدان باستاپ وتكىزىلىپ كەلەدى. وسى كۇنگە دەيىن 624 پەداگوگ ۇزدىك دەپ تانىلىپ، ولاردىڭ ءارقايسىسىنا مەملەكەتتىك قولداۋ رەتىندە 1000 ايلىق ەسەپتىك كورسەتكىش مولشەرىندە سىياقى بەرىلەدى.
بيىل كونكۋرسقا قاتىسۋ ءۇشىن بارلىعى 961 ءوتىنىم بەرىلدى. كونكۋرستى وتكىزۋ ءراسىمىنىڭ ءوزى اۆتوماتتاندىرىلعان جانە اشىق تۇردە ءوتتى. رەسپۋبليكالىق كونكۋرستىق كوميسسيانىڭ قۇرامىنا ۇكىمەتتىك ەمەس ۇيىمدار، اتا-انالار قاۋىمىنىڭ وكىلدەرى، جۋرناليستەر، بەلسەندى پەداگوگتەر، ءبىلىم جانە عىلىم قىزمەتكەرلەرىنىڭ قازاقستاندىق سالالىق كاسىپوداعىنىڭ وكىلدەرى جانە ت. ب. كىردى.
