الماتىدا قاجد مەكەمەسىندەگى سوتتالعانعا اكەلىنگەن پالاۋدان تەلەفون شىقتى، – دەپ حابارلايدى almaty-akshamy.kz
الماتى قالاسى، الماتى جانە جەتىسۋ وبلىستارى بويىنشا قاج دەپارتامەنتى №72 مەكەمەسىندە تەرگەۋ-قاماۋىنداعىلار مەن سوتتالعانداردىڭ پايدالانۋىنا تىيىم سالىنعان زاتتاردى انىقتاۋ جۇيەلى تۇردە جۇرگىزىلەدى.
وسىنداي جۇمىستاردىڭ ناتيجەسىندە جىل باسىنان بەرى 18 تەلەفون، 181 800 تەڭگە، 7،7 ليتر سپيرتتىك ىشىمدىك انىقتالىپ، Sim-كارتا، USB-شنۋر، قۋاتتاعىش قۇرال تاركىلەۋدىڭ 31 فاكتىسى تىركەلدى.
اتالعان ۋاقىت ىشىندە تىيىم سالىنعان زاتتاردى وتكىزۋگە ارەكەت جاساعانى ءۇشىن 41 ادامعا حاتتاما تولتىرىلىپ، الماتى قالاسىنىڭ اكىمشىلىك قۇقىق بۇزۋشىلىق جونىندەگى مامانداندىرىلعان اۋدانارالىق سوتىنا جولداندى. جازالاۋ شارالارىنا قاراماستان تىيىم سالىنعان زاتتاردى وتكىزۋگە ارەكەت ەتۋ فاكتىلەرى تولاستاماي وتىر.
مىسالى جۋىردا سالەمدەمەنى قابىلداپ-تاپسىرۋ بولمەسىندە اليك دەگەن ازاماتتىڭ اكەلگەن پالاۋىنىڭ ىشىنەن Redmi تەلەفونى مەن سيم-كارتا تابىلدى.
ءبىر وكىنىشتىسى زاڭگەرلەردىڭ ءوزى وسىنداي زاڭسىز ارەكەتتەرگە بارادى. جىل باسىنان بەرى كۇدىكتىلەر مەن سوتتالعاندارعا تىيىم سالىنعان زاتتاردى وتكىزۋگە ارەكەت ەتكەن 2 ادۆوكات ۇستالدى.