قازاقستاندا كوممۋنالدىق قىزمەت اقىسى تمد-نىڭ باسقا ەلدەرىنەن ارزان

رەيتينگكە 106 ەلدىڭ كورسەتكىشى الىنعان.

Numbeo رەيتينگىنە سايكەس، ەلىمىزدە اۋدانى 85 شارشى مەتر بولاتىن پاتەردىڭ كوممۋنالدىق قىزمەت اقىسى ايىنا 47 اقش دوللارىن قۇرايدى، دەپ حابارلايدى Almaty-akshamy.kz ەnergyprom.kz-كە سىلتەمە جاساپ.

تمد ەلدەرى ىشىندە قازاقستاندا كوممۋنالدىق قىزمەت تاريفتەرى ارزان بولىپ ەسەپتەلەدى.

Numbeo رەيتينگىنە سايكەس، ەلىمىزدە اۋدانى 85 شارشى مەتر بولاتىن پاتەردىڭ كوممۋنالدىق قىزمەت اقىسى ايىنا 47 اقش دوللارىن قۇرايدى. ورتا ەسەپپەن وعان ءبىر جالاقىنىڭ (سالىقتاردى الىپ تاستاعاندا) 11،3%-ى جۇمسالادى. دەسەك تە، كوممۋنالدىق تاريفتەردىڭ ءار تۇرعىننىڭ قالتاسىنا قانشالىقتى دەڭگەيدە اسەر ەتەتىنىن ەسكەرگەن ءجون.

بەلارۋستە كوممۋنالدىق تولەمگە ورتاشا ەسەپپەن 56،9 اقش دوللار، رەسەيدە 131،8 اقش دوللار جۇمسالادى. وزبەكستان حالقى كوممۋنالدىق قىزمەتكە ورتا ەسەپپەن ايىنا 36،8 اقش دوللار تولەگەنىمەن، وعان ءبىر جالاقىنىڭ 13%-ى كەتەدى. دوستاستىق ەلدەرى بويىنشا مولدوۆادا (132،3 دوللار) كوممۋنالدىق قىزمەت ءۇشىن ءبىرشاما كوپ قارجى كەتەدى.

رەيتينگكە 106 ەلدەگى كورسەتكىشتەر كىرگەن. سوعان سايكەس، كوممۋنالدىق قىزمەت اقىسى ەڭ قىمبات ەل – ەستونيا (255،4 اقش دوللارى).