ءتۇرلى ىندەتتەر مەن باسقا دا قاسىرەتتەر كەدەيلىكتىڭ كەسىرىنەن تاراۋدا.
مۇنداي پىكىردى ريم پاپاسى فرانسيسك ەلوردا تورىندە ءوتىپ جاتقان الەمدىك جانە ءداستۇرلى دىندەر ليدەرلەرىنىڭ VII سەزىندە ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بارلىعىنا، اسىرەسە، قامقورلىقسىز قالعاندار مەن مۇمكىندىگى جوق ادامدارعا جاقىن بولايىق. قوعامنىڭ ەڭ ءالسىز جانە كەدەي توپتارىنا، ءۇنسىز ازاپ شەگىپ جاتقان جاندارعا نازار اۋدارايىق»، - دەدى پونتيفيك.
ريم پاپاسىنىڭ ايتۋىنشا، كەدەيلىكتىڭ كەسىرىنەن ءتۇرلى ىندەتتەر مەن باسقا دا قاسىرەتتەر تاراپ جاتىر.
«قازىرگى كەزدە ەڭ ۇلكەن سىن-قاتەر فاكتورى رەتىندە ءالى دە كەدەيلىك بولىپ تۇر. كەدەيلىك پەن جانجالدىق سالدارى زورلىق-زومبىلىق پەن ساراڭدىققا اكەلەدى. تەڭسىزدىك پەن ادىلەتسىزدىككە توسقاۋىل قويماساق، COVID-تەن دە جامان ۆيرۋستاردى، ياعني وشپەندىلىكتى، زورلىق-زومبىلىقتى، تەرروريزمدى توقتاتۋ مۇمكىن ەمەس. بۇل ءوز كەزەگىندە ءبىزدى پلانەتارلىق اۋقىمداعى ەكىنشى پروبلەماعا اكەلەدى، وسى ماسەلە ەرەكشە تۇردە ءدىندارلارعا قاتىستى بولىپ تۇر»، - دەدى ريم پاپاسى.
وسى ورايدا پونتيفيك ءدىن كوشباسشىلارى الەمدە شەشىلمەي جاتقان قاقتىعىستاردى دوعارۋ ءۇشىن سابىرعا شاقىرىپ، ءوز ۇلەسىن قوسۋى كەرەك ەكەنىن ايتتى.