بۇل تۋرالى ق ر قارجى مونيتورينگى اگەنتتىگى مالىمدەدى.
الماتى قالاسىندا Qozgan inc. ج ش س رەتىندە تىركەلگەن قارجى پيراميداسى انىقتالدى، دەپ حابارلايدى Almaty-akshamy.kz
قارجى مونيتورينگى اگەنتتىگىنىڭ الماتى قالاسى بويىنشا دەپارتامەنتى Qozgan inc. ج ش س قارجى پيراميداسىنىڭ قىزمەتىنە توسقاۋىل قويدى. ج ش س ينۆەستيسيالىق كومپانيا اتىن جامىلىپ، قازاقستان رەسپۋبليكاسىنىڭ تەندەر الاڭىندا مەملەكەتتىك جانە جەكە ساتىپ الۋلارعا قاتىسىپ كەلگەن.
«ۇيىمداستىرۋشىلار سەنگىش ازاماتتارعا 105 كۇن ىشىندە سالىم سوماسىنىڭ سىياقىسى 5-تەن 30 پايىزعا دەيىن بولاتىنداي، اقشالاي قاراجاتتى تەندەرلىك جوبالارعا سالۋدى ۇسىنعان. سالىمشىلاردىڭ جالپى سانى 100-دەن اسادى. قارجى پيراميداسىنىڭ قىزمەتىنەن كەلگەن شىعىن انىقتالىپ جاتىر. قازىرگى ۋاقىتتا Qozgan Inc. كومپانياسىنىڭ ەكى ۇيىمداستىرۋشىسىنا قاتىستى سوتالدى تەرگەۋ امالدارى جۇرگىزىلىپ، 2 ايعا دەيىن «قاماۋ» تۇرىندەگى بۇلتارتپاۋ شاراسى سانكسيالاندى. ق ر قما ازاماتتاردى قىراعى بولۋعا جانە جيناقتارىن كۇماندى قارجى ينستيتۋتتارىنا سالماۋعا شاقىرادى»، - دەلىنگەن حابارلامادا.