قازاقستان رەسپۋبليكاسىنىڭ وتىن-ەنەرگەتيكالىق كەشەنىن دامىتۋدىڭ 2023-2029 جىلدارعا ارنالعان تۇجىرىمداماسىندا كومىر ءوندىرۋدى جىل سايىن ۇلعايتۋ كوزدەلگەن.
اتالمىش تۇجىرىمداما قازاقستان رەسپۋبليكاسى ۇكىمەتىنىڭ 2014 جىلعى 28 ماۋسىمداعى № 724 قاۋلىسىمەن بەكىتىلگەن. ق ر ونەركاسىپ جانە قۇرىلىس مينيسترلىگى كومىر ونەركاسىبى سالاسىنا باسشىلىق ەتە وتىرىپ مەملەكەتتىك ساياساتتى ىسكە اسىرادى، دەپ حابارلايدى اlmaty-akshamy.kz.
ەنەرگيا ءوندىرۋشى جانە ونەركاسىپ كاسىپورىندارىنىڭ، بيۋدجەتتىك ۇيىمداردىڭ جانە حالىقتىڭ كومىر ونىمىنە قاجەتتىلىگىن قامتاماسىز ەتۋ ماقساتىندا كومىر حيمياسىنا كەزەڭ-كەزەڭىمەن كوشۋمەن كومىر ءوندىرۋدى ۇلعايتۋعا، سونداي-اق ەلدىڭ ەكسپورتتىق الەۋەتىن ارتتىرۋعا جۇمىس جاسالۋدا.
جاقىن ۋاقىتتا بوگاتىر كومىر كەنىشىندە سيكلدىك-اعىندىق تەحنولوگيانىڭ ىسكە قوسىلۋى كۇتىلۋدە. بۇل 42 ملن توننادان 50 ملن تونناعا دەيىن كومىر ءوندىرۋدى ۇلعايتۋعا مۇمكىندىك بەرەدى.
وندىرىلگەن كومىردىڭ جالپى كولەمىندەگى كومىر ەكسپورتىنىڭ ۇلەسى 26-28% قۇرايدى. سوڭعى بەس جىلداعى كومىر ەكسپورتىن تالداۋ ەكسپورتتىق الەۋەتتىڭ پروگرەسسيۆتى سيپاتقا يە ەكەندىگىن كورسەتەدى.
ق ر ۇلتتىق ستاتيستيكا بيۋروسىنىڭ دەرەكتەرى بويىنشا الىس شەت ەلدەرگە تاس كومىر مەن ليگنيت ەكسپورتى 6،5 ەسەگە (1،3 ملن.توننادان 8،5 ملن. تونناعا دەيىن) ۇلعايدى.
بۇل، ەڭ الدىمەن، ەۋروپالىق وداقتىڭ قازاقستاندىق كومىرگە دەگەن سۇرانىسىنىڭ ارتۋىنا بايلانىستى. وسىلايشا، وتاندىق جەر قويناۋىن پايدالانۋشىلاردىڭ ەكسپورتتىق الەۋەتى سۇرانىسقا ساي ارتا تۇسەتىن بولادى.