Almaty-akshamy.kz سايتىندا بۇگىن جارىق كورگەن جاڭالىقتارعا شولۋ – كۇن كەرۋەنى
«تەررەنكۋردا» تەگىن سىرعانايتىن كىم؟
«تەررەنكۋر» دەمالىس ايماعىنىڭ توعانىندا قىسقى تيۋبينگتەرگە ارنالعان 50 مەترلىك سىرعاناق سالىندى. «سنەجنايا گوركا» الەۋمەتتىك جوباسى جەكە قارجى ەسەبىنەن ورناتىلدى. سىرعاناقتىڭ باستى ەرەكشەلىگى، ونىڭ توعانعا ورنالاسۋى جانە سىرعاناق تەبۋگە ءقاۋىپسىز. 20 گرادۋس بۇرىشتىق قۇرىلىم 5 بولىككە بولىنگەن، ءارقايسىسى ارنايى تورمەن قورشالعان. ال مارەدە تەجەگىش تور جانە ارنايى جۇمساق قاپتار بار. باللوندى ءبىر ساعاتقا جالعا الۋ قۇنى 3 مىڭ تەڭگە. ءبىر رەتتىك سىرعاناۋ - 500 تەڭگە. ءتيىستى قۇجاتىن كورسەتكەن الەۋمەتتىك وسال ساناتتاعى تۇرعىندارعا قىزمەت تەگىن.
قىتايدا قازاقستان ءتۋريزمى جىلى وتەدى
جۇڭگو تۋريستەرى بىلتىر قازاقستانعا ەڭ كوپ كەلگەن توپ-5 ەلدىڭ قاتارىنا ەندى. ستاتيستيكا دەرەكتەرى بويىنشا، بىلتىرعى جىلدىڭ 9 ايىندا قازاقستاندا 75 مىڭنان استام قىتايلىق تۋريستكە قىزمەت كورسەتىلگەن. ال قىتايدان قازاقستانعا كەلۋشىلەردىڭ جالپى سانى 200 مىڭ ادامنان استى. ۆەدومستۆو باسشىسى بىلتىر ەكى ەل اراسىندا ۆيزاسىز رەجيم ەنگىزىلگەنىن جانە بيىل تىكەلەي رەيستەر سانىن اپتاسىنا 30-عا دەيىن ۇلعايتۋ جوسپارىن ەسكەرە وتىرىپ، تۋريستىك اعىننىڭ ودان ءارى ارتۋى مۇمكىن ەكەنىن اتاپ ءوتتى.
سوت ورىنداۋشىنىڭ جۇمىسىن روبوت اتقارادى
وسىعان دەيىن ازاماتتار سالىنعان ايىپپۇلدى ۋاقىتىندا وتەي الماعان جاعدايدا، ايىپپۇلدىڭ 25%-عا دەيىنگى سوماسىن جەكە سوت ورىنداۋشىعا تولەۋگە مىندەتتى بولاتىن. ەندى بۇل قىزمەتتى روبوت تەگىن اتقارادى. جاڭا جوبانىڭ ارقاسىندا ەل ازاماتتارى 2 ملرد تەڭگەگە دەيىن ۇنەمدەي الادى. جوبا ءساتتى جۇزەگە اساتىن بولسا، ونى بۇكىل قازاقستان اۋماعىنا ەنگىزۋ جوسپارلانىپ وتىر.
كۇرىش نەگە قىمبات؟
سۋدىڭ جەتىسپەۋشىلىگىنە جانە شىعىنداردىڭ وسۋىنە بايلانىستى ەگىس القاپتارىنىڭ ادەيى تومەندەۋى بايقالادى.
مونوپولياعا قارسى دەن قويۋ شارالارى كۇنتىزبەلىك جىل ىشىندە باعا ءوسۋ ديناميكاسىنىڭ تومەندەۋىن قامتاماسىز ەتتى. باعا بويىنشا ءسوز بايلاسۋ نەگىزىندە 6 كۇرىش ءوندىرۋشى 68،7 ملن تەڭگە ايىپپۇل تۇرىندەگى اكىمشىلىك جاۋاپكەرشىلىككە تارتىلدى.
كاندەلاكيدى كىرگىزبەيمىز!
ق ر ءسىم رەسمي وكىلى ايبەك سمادياروۆتىڭ ايتۋىنشا، ەگەر رەسەيلىك تەلەجۇرگىزۋشى ەلىمىزگە كەلۋدى جوسپارلاسا، وعان كىرۋگە رۇقسات بەرىلمەيدى
"ەل مۇنى ەشقاشان كەشىرمەيدى، ول كەلمەيتىن شىعار، ءبىراق ول كەلگىسى كەلسە، ونى كىرگىزبەيدى"، دەدى ايبەك سمادياروۆ.
تينا كاندەلاكيدىڭ مالىمدەمەسىنە "ۋرالسك" ۆوكزالىنىڭ اتاۋىن "ورال" جانە "ۋزەن" ستانساسىنىڭ "جاڭاوزەن" دەپ وزگەرتىلۋى سەبەپ بولعان.
يوردانيانىڭ اندەرىنە «جيەندىك» جاسايمىز
بۇگىندە ەسترادا وكىلدەرى وزگە ەلدىڭ ءانىن قازاقشا ورىنداۋدى جولعا قويىپ العان. ورتالىق ازيا ەلدەرى، ونىڭ ىشىندە وزبەكستان مەن قىرعىزستان سازگەرلەرىنىڭ تۋىندىسىن قازاقشا سايراتۋ سانگە اينالعان.
قازاقستاننىڭ ەڭبەك سىڭىرگەن قايراتكەرى، ونەر زەرتتەۋشىسى، سازگەر جانعالي جۇزبايەۆ ءوز قۇندىلىعىمىزدى دارىپتەۋ مىندەت ەكەنىن ايتتى.
«شەتەلدەن كەلەتىن قوناقتاردىڭ الدىندا وتكىزەتىن كونسەرتتىك شارانى دا ۇلتتىق قۇندىلىققا قاراي يكەمدەگەن ابزال. ونى ايتقانىم، بىزدە كەيدە ءبىر كەلەڭسىزدىك ورىن الادى. اۋقىمى كەڭ كونسەرتتىك ءىس-شارا وتكىزىپ، الىس-جاقىن شەتەلدەن دە ونەرپازدار قاتىسقان دۋماندا انشىلەرىمىز شىرقاعان تۋىندىسىن تىڭداعاندا ۇيالىپ تا قالامىز. ويتكەنى بۇگىنگى ەسترادا ساحناسىندا ءان شىرقاپ جۇرگەن انشىلەردىڭ كوپشىلىگى قىرعىز، وزبەك، قاراقالپاق، ارميان حالقىنىڭ اندەرىن الادى دا، قازاقشالاپ ورىندايدى. پارسى مادەنيەتىنە دە قول سالدىق، ءتىپتى، يوردانيادان دا ءان الدىق. ءارى وسىنداي كىرمە تۋىندىلاردىڭ ناسيحاتى سۇراپىل: تەلەارنادان دا كورسەتىپ، راديودان دا تاراتادى»، - دەدى ول.
فرانسيالىق دزيۋدوشى الماتىدا جاتتىعۋ جاساپ ءجۇر
ونىڭ ۇلكەن جارىس الدىندا نەلىكتەن قازاقستاندى تاڭداعانى بەلگىسىز، ءوزىنىڭ ايتۋىنشا، سپورتشى ماڭىزدى جارىس الدىنداعى دايىندىعىن الماتىدا پىسىقتاۋدى ءجون كورگەن. 35 جاستاعى رينەر الماتىعا 18 قاڭتار كۇنى كەلىپ، جوسپار بويىنشا 30-نا دەيىن جاتتىعۋ جۇمىستارىن جالعاستىرادى.
ايتا كەتەيىك، فرانسۋز سپورتشىسى 2023 جىلدىڭ باسىندا الماتىدا وقۋ-جاتتىعۋ جيىندارىنا قاتىسقان بولاتىن. سول جولى ول اسا اۋىر سالماقتاعى جيىرماعا تارتا قازاقستان دزيۋدوشىسىمەن سپاررينگ جاتتىعۋلار وتكىزگەن.
بىلتىر ارالعا 2 ملرد تەكشە مەتردەن استام سۋ جىبەرگەن
«الداعى ءۇش جىلدى ءبىز ءتيىمدى ءارى ۇتىمدى پايدالانۋىمىز كەرەك. بىرىنشىدەن، ارينە، ءوزىمىزدىڭ ۇلتتىق مۇددەمىزدى قورعاۋ جانە ورتا ازياداعى كورشىلەس مەملەكەتتەرمەن قارىم-قاتىناستى دامىتۋ ماسەلەسى. سوندىقتان بۇل جۇمىس كۇندەلىكتى باقىلاۋدا بولۋى كەرەك. وزدەرىڭىزگە جۇكتەلگەن مىندەتتەردى جاۋاپكەرشىلىكپەن اتقارىڭىزدار»، – دەدى ق ر سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.
2024 جىلدىڭ 1 قاڭتارىندا حالىقارالىق ارالدى قۇتقارۋ قورىنا ءتوراعالىق ەتۋ كەزەگى قازاقستان رەسپۋبليكاسىنا ءوتتى. ءبىزدىڭ ەلىمىز الداعى ءۇش جىلدا اتالعان ۇيىمدى باسقاراتىن بولادى.