بۇل تۋرالى قازاقستان تەمىرجولشىسى باسىلىمى مالىمدەدى.
وسى جىلدىڭ باسىنان باستاپ تەمىرجول وتكەلدەرىندە ءۇش جول-كولىك وقيعاسى تىركەلسە، تاعى ءۇش جول-كولىك وقيعاسى جەكە كىرمە جولدار وتكەلىندە ورىن العان، دەپ حابارلايدى Almaty-akshamy.kz جوعارىدا اتالعان باسىلىمنىڭ دەرەكتەرىنە سۇيەنىپ.
بارلىق ورىن العان جكو سەبەبى – اۆتوكولىك قۇرالدارى جۇرگىزۋشىلەرىنىڭ جول قوزعالىسى ەرەجەلەرىن بۇزۋى. جۇرگىزۋشىلەر جاقىنداپ قالعان پويىز الدىنا، شلاگباۋم جابىلعان كەزدە وتپەدەگى دابىلدىڭ تىيىم سالۋىنا قاراماي جولعا شىعىپ كەتكەن. مۇنداي بۇزۋشىلىقتار ادامداردىڭ جاراقاتتانۋىنا، پويىزدار ءجۇرۋ كەستەسىنىڭ بۇزىلۋىنا، جكو-نىڭ بارلىق قاتىسۋشىلارىنا ماتەريالدىق زيان كەلتىردى. جولاۋشىلاردىڭ، جۇرگىزۋشىلەردىڭ جانە لوكوموتيۆ بريگادالارى قىزمەتكەرلەرىنىڭ دەنساۋلىعى مەن ومىرىنە ءقاۋىپ ءتوندى.
قتج جۇرگىزۋشىلەردى جول قوزعالىسى ەرەجەلەرىن قاتاڭ ساقتاۋعا جانە تەمىرجول وتكەلىنەن ءوتۋ كەزىندە وتە مۇقيات بولۋعا شاقىرادى. پويىزدى بىردەن توقتاتۋ مۇمكىن ەمەس: توتەنشە تەجەۋدى قولدانا وتىرىپ، ماشينيست پويىزدى تەك 800-1000 مەتردەن كەيىن توقتاتادى.
سونداي-اق، تەمىرجولشىلار ءۇشىن الاڭداۋشىلىق تۋعىزىپ وتىرعان ماسەلە قاراۋسىز قالعان مالداردى باسۋ وقيعالارى بولىپ تابىلادى. جىل باسىنان بەرى وسىنداي 110 استام جاعداي تىركەلدى. كوبىنەسە مال باسۋ پاۆلودار، قاراعاندى، سەمەي جانە ماڭعىستاۋ جول بولىمشەلەرىنىڭ شەكارالارىندا تىركەلدى. قاراۋسىز قالعان مال پويىزدار قوزعالىسىنا ءقاۋىپ توندىرەدى.
قتج تەمىر جول وتەتىن ەلدى مەكەندەر تۇرعىندارىنا، فەرمەر قوجالىقتارىنىڭ باسشىلارىنا جانە جەكە كاسىپكەرلەرگە، اسىرەسە قىس مەزگىلىندە تەمىر جولدىڭ جانىندا ءۇي جانۋارلارىنىڭ بولۋىنا جول بەرمەۋ تۋرالى وتىنىشپەن جۇگىنەدى.