ەلىمىزدىڭ كولىك-لوگيستيكالىق كەشەنىنىڭ قارقىندى دامۋىن ەسكەرە وتىرىپ، ورتا مەرزىمدى پەرسپەكتيۆادا 25 جاڭا ماماندىق قاجەت بولادى دەپ كۇتىلۋدە. بۇل تۋرالى ۇكىمەت وتىرىسىندا جۇمىسشى ماماندىقتارى جىلى اياسىنداعى ءىس-شارالار جوسپارى قارالدى، دەپ حابارلادى كولىك ءمينيسترى مارات قارابايەۆ.
اتاپ ايتقاندا، ول جاڭا جوبالاردى ىسكە اسىرۋ كەزىندە جوبانىڭ سيفرلىق انالوگىن جانە 3D-مودەلدەۋدى پايدالانۋدى كوزدەيتىن BIM تەحنولوگياسى بويىنشا اۆتوموبيل جولدارىن سالۋ مەن رەكونسترۋكسيالاۋدى جوبالاۋ كوزدەلگەنىن حابارلادى. بۇل باعىتتا «اقىلدى جولدار» بويىنشا ءتيىستى ينجەنەر-جوبالاۋشىلار، BIM تەحنولوگياسىندا جۇمىس تاجىريبەسى بار پرورابتار، قۇرىلىس روبوتتارىنىڭ وپەراتورى جانە سيفرلىق جوبالاۋشى قاجەت بولادى. كولىك-لوگيستيكا سالاسىنداعى ءىرى توراپتاردى باسقارۋ ءۇشىن سيفرلىق لوگيستيكالىق كارتالار كونسترۋكتورى مەن وپەراتورى كەرەك.
ازاماتتىق اۆياسيادا سىرتقى پيلوتتاندىرىلاتىن اۆياسيالىق جۇيەلەردىڭ پيلوتتارى سۇرانىسقا يە بولادى. وسىعان وراي، الداعى ۋاقىتتا ۋاكىلەتتى ورگان مەن ءبىلىم بەرۋ مەكەمەلەرىمەن بىرگە وسى ماماندىقتاردى اشۋ ماسەلەسى قاراستىرىلادى.
بۇگىنگى تاڭدا 9،7 ملن جۇمىسپەن قامتىلعان حالىقتىڭ 772 مىڭى كولىك سەكتورىندا جۇمىس ىستەيدى، ونىڭ باسىم بولىگى تەمىرجول جانە اۆتوموبيل كولىگى، لوگيستيكا جانە قويمالاۋ سالالارىنا تيەسىلى.