پرەمەر-مينيستر اۆياسيا، تەمىرجول جانە كەمە قاتىناسىندا قاجەتتى ماماندار دايارلاۋدى، سونداي-اق اۋىلدىق جەرلەرگە ماماندار تارتۋ جوسپارىن ازىرلەۋدى تاپسىردى، دەپ حابارلايدى aqshamnews.kz
ۇكىمەت وتىرىسىندا پرەزيدەنت جاريالاعان جۇمىسشى ماماندىقتارى جىلىن جۇزەگە اسىرۋ اياسىندا كولىك سالاسىنداعى، اتاپ ايتقاندا، اۆياسيا، تەمىرجول جانە كەمە قاتىناسى سياقتى جوعارى تەحنولوگيالىق سالالارداعى كادر تاپشىلىعى ماسەلەلەرىنە نازار اۋدارىلدى. كولىك مينيسترلىگىنە كومپانيالارمەن بىرلەسىپ وسى سالالار ءۇشىن ماماندار دايارلاۋدىڭ ناقتى جوسپارىن ازىرلەۋ تاپسىرىلدى.
اگروونەركاسىپ كەشەنىن ورنىقتى دامىتۋ ءۇشىن اۋىل شارۋاشىلىعى مينيسترلىگى ءوڭىر اكىمدەرىمەن بىرلەسىپ، اۋىلداعى ماماندارعا تارتىمدى جاعداي جاساۋ ماسەلەلەرىن بەلسەندى تۇردە پىسىقتاپ، وسى باعىتتا جاڭا باعدارلامالاردى ىسكە قوسۋى قاجەت.
ەنەرگەتيكا مينيسترلىگى كومپانيالارمەن بىرلەسە جەر قويناۋىن پايدالانۋشىلارمەن، جۇمىس بەرۋشىلەرمەن، سالالىق كوللەدجدەرمەن ءوزارا تىعىز قارىم-قاتىناس جاساي وتىرىپ، جۇمىسشى كادرلار دايارلاۋ بويىنشا ۇلكەن جۇمىس جۇرگىزۋ كەرەك.
سونىمەن قاتار كادر دايارلاۋ جانە قايتا دايارلاۋ پروسەسىنە بيزنەس تە بەلسەندى اتسالىسۋى قاجەت. ەلىمىزدە جۇمىس بەرۋشى ەسەبىنەن بىلىكتىلىگىن ارتتىرۋعا باراتىن قىزمەتكەرلەر ۇلەسى تەك 6%-دى قۇرايدى. سونداي-اق ەىدۇ ەلدەرىندە بۇل كورسەتكىش 48%-عا جەتەدى. وسىعان بايلانىستى پرەمەر-مينيستر بيزنەستى جۇمىسشى كادرلاردىڭ بىلىكتىلىگىن ارتتىرۋعا، ولاردى الەۋمەتتىك قولداۋعا جانە لايىقتى ەڭبەك جاعدايلارىن جاساۋعا كۇش سالۋعا شاقىردى.