ولجاس بەكتەنوۆ ءقاۋىپسىز ەڭبەك جاعدايىنىڭ ساقتالۋىنا قاتاڭ باقىلاۋ جۇرگىزۋدى، كاسىپورىنداردىڭ سيفرلىق كارتاسىن ەنگىزۋدى تاپسىردى، دەپ حابارلايدى aqshamnews.kz
مەملەكەت باسشىسى جاريالاعان جۇمىسشى ماماندىقتارىن ىسكە اسىرۋ ماسەلەلەرى جونىندەگى ۇكىمەت وتىرىسىندا پرەمەر-مينيستر ولجاس بەكتەنوۆ ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆانىڭ جۇمىسشى كادرلاردى قولداۋ شارالارى تۋرالى بايانداماسىن تىڭداپ، ەڭبەك زاڭناماسىنىڭ، ەڭبەك جاعدايلارى مەن قاۋىپسىزدىگىنىڭ ساقتالۋىنا باقىلاۋدى كۇشەيتۋ قاجەتتىگىن اتاپ ءوتتى.
«كاسىپورىنداردا ەڭبەك داۋلارىنا جول بەرمەۋ ءۇشىن الدىن الۋ شارالارى قابىلدانۋعا ءتيىس. سىزگە جۇمىسشىلاردىڭ ءقاۋىپسىز ەڭبەك جاعدايلارىنىڭ ساقتالۋىنا قاتاڭ مونيتورينگ جۇرگىزۋدى، سونىڭ ىشىندە كاسىپورىنداردىڭ سيفرلىق كارتاسىن ەنگىزۋدى تاپسىرامىن»، — دەپ اتاپ ءوتتى ولجاس بەكتەنوۆ.
سالالىق مينيسترلىكتەرگە لايىقتى ەڭبەك قاعيداتتارىن ىلگەرىلەتۋ جانە ءتيىستى كونۆەنسيالاردى راتيفيكاسيالاۋ ءۇشىن حالىقارالىق ەڭبەك ۇيىمىمەن ءوزارا تىعىز ءىس-قيمىلدى قامتاماسىز تەۋ تاپسىرىلدى.