كارتوپ، ءسابىز جانە پياز باعاسى ءتۇستى.
ق ر اۋىل شارۋاشىلىعى ءمينيسترى ەربول قاراشوكەيەۆ ەلىمىزدە كوكونىس باعاسى ارزانداعانىن ايتتى، دەپ حابارلايدى Almaty-akshamy.z قازاقپاراتقا سىلتەمە جاساپ.
«كۇزدە ءداستۇرلى تۇردە باعا ارزاندايدى، ونىڭ ىشىندە كوكونىس باعاسىندا وزگەرىس بار. سوڭعى مالىمەتتەر بويىنشا، كارتوپ، ءسابىز جانە پياز باعاسى ءتۇستى»، - دەدى ە. قاراشوكەيەۆ سەناتتىڭ جالپى وتىرىسىنان كەيىن تىلشىلەر ساۋالىنا جاۋاپ بەرە وتىرىپ.
ونىڭ ايتۋىنشا، ەل اۋماعىندا جاپپاي ەگىن وراعى ءجۇرىپ جاتىر. وسى ورايدا ميلليون توننا كارتوپ جينالعان. سونىمەن قاتار ەگىس القاپتارىندا پياز جيناۋ اياقتالىپ كەلەدى.
«باعانىڭ ءوسىمى نەگىزىنەن ساۋدا جەلىلەرىنە تيەسىلى بولدى. ەگىس القاپتارىندا كارتوپتىڭ كەلىسىن 120 تەڭگەدەن الىپ كەتىپ جاتىر»، - دەدى مينيستر.
بۇدان بۇرىن حابارلانعانداي، ە. قاراشوكەيەۆ قوستاناي وبلىسىنداعى ءورت ەگىس القاپتارىندا ەلەۋلى شىعىن كەلتىرمەگەنىن ايتتى.