پرەزيدەنت توقايەۆ ماعزۇم مىرزاعالييەۆتى قابىلدادى

مەملەكەت باسشىسى ينۆەستيسيالىق جوبالاردى جۇزەگە اسىرۋعا قاتىستى ءبىرقاتار تاپسىرما بەردى.

مەملەكەت باسشىسىنا «قازمۇنايگاز» ۇلتتىق كومپانياسى جانار-جاعارماي نارىعىنداعى جاعدايدى تۇراقتاندىرۋ ءۇشىن قابىلداپ جاتقان شارالارى تۋرالى ەسەپ بەرىلدى، دەپ حابارلايدى Almaty-akshamy.kz اقورداعا سىلتەمە جاساپ.

ماعزۇم مىرزاعالييەۆتىڭ مالىمەتىنە سايكەس، بيىل قازاقستاندا 17 ميلليون توننا مۇناي ونىمدەرى وندىرىلەدى. بۇل - بۇرىن بولماعان رەكوردتىق كورسەتكىش.

شىمكەنت جانە اتىراۋ مۇناي وڭدەۋ زاۋىتتارىنداعى جوسپارلى جوندەۋ جۇمىستارىن كەيىنگە شەگەرۋ جونىندە شەشىم قابىلداندى. بۇل ىشكى نارىقتى قوسىمشا 150 مىڭ تونناعا دەيىن ديزەل وتىنىمەن قامتاماسىز ەتۋگە مۇمكىندىك بەرەدى. سونداي-اق «قازاقستان تەمىر جولى» ۇلتتىق كومپانياسى 100 مىڭ تونناعا دەيىن ديزەل وتىنىن يمپورتتايدى.

ماعزۇم مىرزاعالييەۆ «قازمۇنايگازدىڭ» مۇناي-گاز حيمياسى سالاسىنداعى جوبالارىنىڭ جۇزەگە اسىرىلۋى جونىندە باياندادى.

قازىرگى ۋاقىتتا اتىراۋ وبلىسىنداعى پوليپروپيلەن وندىرەتىن زاۋىتتى ىسكە قوسۋ جۇمىستارى اياقتالدى. كاسىپورىن ءبىر ايدىڭ ىشىندە ىسكە قوسىلادى دەپ جوسپارلانىپ وتىر.

بۇدان بولەك، پرەزيدەنتكە پوليەتيلەن جانە بۋتاديەن وندىرىسىنە قاتىستى جوبالاردىڭ جۇزەگە اسىرىلۋ بارىسى تۋرالى دا ايتىلدى.

مەملەكەت باسشىسىنا كاسپيي قۇبىر جەلىسى كونسورسيۋمىنىڭ تەڭىز تەرمينالىنداعى قازىرگى احۋال جونىندە مالىمەت بەرىلدى. مۇناي تانكەرلەرگە تۇراقتى تۇردە قۇيىلىپ، كەستەگە سايكەس جونەلتىلىپ جاتىر.

كەزدەسۋ قورىتىندىسى بويىنشا مەملەكەت باسشىسى ينۆەستيسيالىق جوبالاردى جۇزەگە اسىرۋعا قاتىستى ءبىرقاتار تاپسىرما بەردى.