ەۋروپالىق قايتا قۇرۋ جانە دامۋ بانكى (ەقدب) Empire Manufacturing Kazakhstan (EMK) كومپانياسىنا 10 ميلليون اقش دوللارىنا دەيىن نەسيە بولەدى. بۇل قاراجات كومپانياعا قازاقستاننىڭ «حورگوس» ارنايى ەكونوميكالىق ايماعىندا زاماناۋي كوفە وڭدەۋ زاۋىتىن سالىپ، ىسكە قوسۋعا جانە جاڭا جۇمىس ورىندارىن اشۋعا مۇمكىندىك بەرەدى، دەپ حابارلايدى aqshamnews.kz
جاڭا زاۋىتتا وندىرىلەتىن كوفەنىڭ شامامەن 50 پايىزعا جۋىعى ورتالىق ازيا مەن كاۆكاز ايماقتارىنا ەكسپورتتالادى دەپ كۇتىلۋدە. بۇل جوبا ايماقتىڭ كوفەمەن قامتاماسىز ەتۋ كولەمىن ارتتىرۋعا جانە حالىقارالىق نارىقتا باسەكەگە قابىلەتتى بولۋعا ىقپال ەتەدى.
EMK — حالىقارالىق ازىق-تۇلىك جانە سۋسىندار ءوندىرۋ مەن تاراتۋ سالاسىندا جۇمىس ىستەيتىن Food Empire Holdings توبىنىڭ ەنشىلەس كاسىپورنى. كومپانيانىڭ اكسيالارى سينگاپۋر بيرجاسىندا ساۋدالانادى.
ايتا كەتەيىك، ەقدب قازاقستاندا جالپى سوماسى €11 ميللياردتان استام قارجىنى 335 جوباعا ينۆەستيسيالاعان. بۇل ينۆەستيسيالاردىڭ باسىم بولىگى جەكە كاسىپكەرلىك سەكتورىن قولداۋعا باعىتتالعان.