اقش-تىڭ مۇعالىمدەر وداقتارى مەن وزگە ناسىلدەردىڭ پروگرەسىنە جاردەمدەسۋ ۇلتتىق قاۋىمداستىعى (NAACP) اقش پرەزيدەنتى دونالد ترامپ اكىمشىلىگىن سوتقا بەردى، دەپ حابارلايدى aqshamnews.kz.
The New York Times باسىلىمىنىڭ جازۋىنشا، سوتقا جۇگىنۋگە بيلىكتىڭ اقش-تىڭ ءبىلىم مينيسترلىگىن جابۋ تۋرالى شەشىمى سەبەپ بولعان.
ترامپ اكىمشىلىگى بۇل ومىرلىك ماڭىزدى اگەنتتىكتى جابۋ نيەتىن بىرنەشە رەت مالىمدەگەن، سوڭعى رەت 2025 جىلعى 20 ناۋرىزداعى جارلىقتا اتاپ كورسەتىلدى، – دەلىنگەن سوتقا ۇسىنىلعان شاعىمدا.
باسىلىمنىڭ مالىمەتىنشە، ەكى ارىز تۇسكەن: ءبىرىن ۇلتتىق ءبىلىم بەرۋ قاۋىمداستىعى (NEA) مەن NAACP مەريلەند شتاتىنىڭ سوتىنا بەرسە، ەكىنشىسىن امەريكالىق مۇعالىمدەر فەدەراسياسى (AFT) ماسساچۋسەتس فەدەرالدى سوتىنا تاپسىرعان.
ناۋرىز ايىنىڭ وزىندە ءبىلىم مينيسترلىگىنەن 1،3 مىڭنان استام قىزمەتكەر جۇمىستان بوساتىلعانى اتاپ ءوتىلدى. سونىمەن قاتار شاعىم اۆتورلارى مۇعالىمدەردى دايارلاۋ مەن زەرتتەۋ جۇمىستارىن قارجىلاندىرۋعا ارنالعان 1،5 ميلليارد دوللاردان استام سوماعا كەلىسىمشارتتار مەن گرانتتاردىڭ جويىلعانىن مالىمدەدى.