الماتىدا ءتارتىپ ساقشىلارى ەلەكتروندى تەمەكىنى زاڭسىز ساتۋ دەرەگىن انىقتادى.
الماتى قالاسى الاتاۋ اۋدانىندا 200 دانا ۆەيپتى زاڭسىز ساتقانى انىقتالدى، دەپ حابارلايدى aqshamnews.kz.
جەدەل ءىس-شارالار ناتيجەسىندە ەكى ادام انىقتالدى جانە ۇستالدى، ولاردىڭ بىرەۋى تىيىم سالىنعان ونىمدەردى جەتكىزۋمەن اينالىسقان، ەكىنشىسى قويما يەسى. تالعار اۋدانىنداعى قويمانى ءتىنتۋ بارىسىندا 5 مىڭعا جۋىق ەلەكتروندى تەمەكى تاركىلەندى.
ۇستالعان قويما يەسىنىڭ سوزىنشە، ول زاڭسىز بايۋ ماقساتىندا ۆەيپتەردى ساتۋمەن اينالىسقان، ال قويمانى ءونىمدى ۋاقىتشا ساقتاۋ ءۇشىن پايدالانعان. تەمەكى ونىمدەرى، ەلەكتروندى تۇتىنۋ جۇيەلەرى (ۆەيپتەر)، حوش يىستەندىرگىشتەر مەن ولارعا ارنالعان سۇيىقتىقتاردىڭ اينالىمىنا قاتىستى قىلمىستىق ءىس قوزعالدى. تەرگەۋ شارالارى جالعاسۋدا.