قازاقستاندا سوڭعى بەس جىلدا جۇمىسسىزدار سانى شامامەن ءبىر دەڭگەيدە ساقتالىپ وتىر. ۇلتتىق ستاتيستيكا بيۋروسىنىڭ دەرەكتەرىنە سۇيەنسەك، 2020 جىلدان 2025 جىلدىڭ العاشقى توقسانىنا دەيىن جۇمىسسىزدىق دەڭگەيى 4،6–4،9% ارالىعىندا قۇبىلىپ تۇر. بۇل — سالىستىرمالى تۇردە تۇراقتى كورىنىس. دەگەنمەن دەرەكتەرگە تەرەڭىرەك ۇڭىلسەك، كەيبىر ماڭىزدى تەندەنسيالار بايقالادى. تولىعىراق اqshamnews.kz ءتىلشىسى دايىنداعان ماتەريالدان ءبىلىڭىز.
ايەلدەر اراسىنداعى جۇمىسسىزدىق ەرلەردەن جوعارى
جىل سايىن جۇمىسسىزداردىڭ ىشىندە ايەلدەردىڭ ۇلەسى ەرلەردەن جوعارى. ماسەلەن، 2025 جىلدىڭ العاشقى توقسانىندا:
-
ايەلدەر سانى – 237،6 مىڭ (جۇمىسسىزدىق دەڭگەيى: 5،0%)،
-
ەرلەر سانى – 213،9 مىڭ (جۇمىسسىزدىق دەڭگەيى: 4،3%).
وسىعان دەيىن دە بۇل ايىرماشىلىق ساقتالىپ كەلگەن:
-
2024 جىلى: ايەلدەر – 238،1 مىڭ، ەرلەر – 211،7 مىڭ.
-
2023 جىلى: ايەلدەر – 243،1 مىڭ، ەرلەر – 209،1 مىڭ.
-
2022 جىلى: ايەلدەر – 250،2 مىڭ، ەرلەر – 208،1 مىڭ.
بۇل نەنى بىلدىرەدى؟ ايەلدەر، اسىرەسە بالا كۇتىمىمەن ۇيدە وتىراتىندار مەن اۋىلدىق جەرلەردەگى ايەلدەر، ەڭبەك نارىعىنا قايتا ورالعاندا قيىندىققا تاپ بولاتىنىنىڭ كورىنىسى.
جاستار جۇمىسسىزدىعى قانداي دەڭگەيدە؟
جاستاردىڭ جۇمىسسىزدىق ۇلەسى 2020 جىلدان بەرى 3،1–3،8% دەڭگەيىندە ساقتالىپ وتىر. مىسالى:
-
2020–2023 جج. ارالىعىندا جاستار ۇلەسى – 3،8%،
-
2024–2025 جج. — 3،1%.
بۇل — ءوسىمى بار ستاتيستيكا سياقتى كورىنگەنىمەن، جاستاردىڭ كوبى ەڭبەك نارىعىنا مۇلدە كىرمەي، وقۋدا نەمەسە بەيرەسمي جۇمىستا بولۋى مۇمكىن ەكەنىن دە ەسكەرگەن ءجون.
جالپى جۇمىسسىزدىق وزگەرىسى
| جىل | جۇمىسسىزدار سانى | دەڭگەيى (%) |
|---|---|---|
| 2020 | 448،8 مىڭ | 4،9% |
| 2021 | 449،6 مىڭ | 4،9% |
| 2022 | 458،3 مىڭ | 4،9% |
| 2023 | 452،2 مىڭ | 4،7% |
| 2024 | 449،8 مىڭ | 4،7% |
| 2025 (ءى توقسان) | 451،5 مىڭ | 4،6% |
بەس جىل ىشىندە جۇمىسسىزدىق دەڭگەيى 4،6%–4،9% ارالىعىندا عانا وزگەرىپ، ناقتى تومەندەۋ بايقالمايدى. بۇل ەڭبەك نارىعىنىڭ جاڭارۋى باياۋ ەكەنىن كورسەتەدى.