قازاقستاندا كارتوپ جەتكىلىكتى
بۇگىنگى تاڭدا ەڭ تومەن باعا قوستاناي (138 تگ/كگ) جانە اقتوبە وبلىستارىندا (166 تگ)، ال ەڭ جوعارى باعا نۇر-سۇلتان قالاسىندا (225-450 تگ)، سقو (320-340 تگ)، شقو (335 تگ) جانە قاراعاندى وبلىسىندا (270-310 تگ) تىركەلگەن.
وڭىرلەردىڭ جەدەل دەرەكتەرىنە سايكەس، 11 ماۋسىمداعى جاعداي بويىنشا، رەسپۋبليكادا 70 مىڭ توننادان استام الەۋمەتتىك ماڭىزى بار ازىق-تۇلىك ونىمدەرىنىڭ قورى بار، دەپ حابارلادى Almaty-Akshamy.kz. اۋىل شارۋاشىلىعى مينيسترلىگىنىڭ باسپا ءسوز قىزمەتىنىڭ حابارىنا سىلتەمە جاساپ.
بەلگىلەنگەن تۇتىنۋ نورمالارىنا سايكەس، ەلدەگى كارتوپ قورى جارتى ايدان استام ۋاقىتقا جەتەدى (حالىقتىڭ جان باسىنا شاققاندا جىلىنا 95 كگ نورما بولعاندا، ەلىمىزدىڭ حالقى كۇنىنە 4،9 مىڭ توننا كارتوپ تۇتىنادى)
ايتا كەتۋ كەرەك، بۇل ەلدەگى كارتوپ قورىنىڭ شاعىن فەرمەرلەردەگى جانە حالىقتىڭ جەكە قوسالقى شارۋاشىلىقتارىنداعى ساقتالعان كارتوپ قورىنىڭ نەگىزگى كولەمىن (شامامەن 80%) ەسەپتەمەگەندەگى كورسەتكىشى.
قازىرگى باعالارعا قاتىستى: كۇندەلىكتى باعا مونيتورينگى كارتوپتىڭ بولشەك ساۋداداعى باعاسى 138-450 تەڭگە/كگ ارالىعىندا بولاتىنىن كورسەتەدى. بۇگىنگى تاڭدا ەڭ تومەن باعا قوستاناي (138 تگ/كگ) جانە اقتوبە وبلىستارىندا (166 تگ)، ال ەڭ جوعارى باعا نۇر-سۇلتان قالاسىندا (225-450 تگ)، سقو (320-340 تگ)، شقو (335 تگ) جانە قاراعاندى وبلىسىندا (270-310 تگ) تىركەلگەن.
ەلوردالىق بازارلار مەن ساۋدا نىساندارىنىڭ مونيتورينگى بۇگىنگى كۇنى كارتوپقا دەگەن سۇرانىستىڭ جوق ەكەنىن كورسەتتى. اسسورتيمەنتتە بىلتىرعى جىلعى دا، جاڭا داقىلدىڭ كارتوپتارى دا بار جانە ساتىلىپ جاتىر. سونىمەن قاتار تاۋارلاردىڭ جەتكىلىكتى بولۋىنا بايلانىستى باعا تومەندەپ كەلەدى.
وتكەن جىلعى كارتوپ ساپاسىنا قاراي كەلىسى 120 تەڭگەدەن 200 تەڭگەگە دەيىن ساتىلادى. بيىلعى ءونىم «شارىن» جانە «شاپاعات» ساۋدا ورتالىقتارىندا 280-320 تەڭگەدەن، «ەۆرازيا»، «ماگنۋم» جانە «سمولل» سوو-دا كەلىسى 400-450 تەڭگەدەن ساتىلادى.
باعانىڭ وسۋىنە قاتىستى: ۇلتتىق ستاتيستيكا بيۋروسىنىڭ مالىمەتى بويىنشا، جىل باسىنان بەرى كارتوپتىڭ قۇنى 48،6%-عا ءوستى. بۇل ءوسىم ماۋسىمدىق سيپاتقا يە. مىسالى، 2020 جىلى ءدال وسى كۇنى ستاتيستيكا ورگاندارى 46%-عا جۋىق وسكەنىن تىركەگەن.
جاعدايدى تالداۋ ماۋسىمدىق باعانىڭ وسۋىنە دەلدالدار مەن ساۋدا وبەكتىلەرىنىڭ ۇستەمەنى كوپ قوسقانى اسەر ەتكەنىن كورسەتىپ وتىر.
ايتا كەتۋ كەرەك، ماۋسىم ايىنان باستاپ وڭتۇستىك ايماقتاردا ەرتە پىسەتىن كوكونىستەر مەن كارتوپتىڭ جاڭا ءونىمى جاپپاي جينالا باستادى. مۇندا بيىلعى كارتوپتىڭ باعاسى تونناسىنا 175-200 مىڭ تەڭگە ارالىعىندا. جاقىن ارادا جاڭا ونىمدەردى جەتكىزۋ نارىقتاعى باعاعا ەداۋىر وڭ اسەر ەتۋى مۇمكىن.
وسىعان بايلانىستى وڭىرلەردىڭ جەرگىلىكتى اتقارۋشى ورگاندارىنا ەرتە پىسەتىن كارتوپتى تۇركىستان وبلىسىنان ساتىپ الۋ ۇسىنىلادى.
بيىلعى كارتوپتى نۇر-سۇلتان جانە الماتى قالالارىنىڭ نارىعىنا جەتكىزۋدى ۇيىمداستىرۋ ءۇشىن وپەراتور رەتىندە «ازىق-تۇلىك كورپوراسياسى» ۇك» اق-نى ىسكە قوسۋ قاجەت.
سونداي-اق، اكىمدىك اۋىل شارۋاشىلىعى ونىمدەرىن قولجەتىمدى باعامەن جەتكىزە وتىرىپ، جارمەڭكەلەر ۇيىمداستىرۋ ۇسىنىلادى.
انىقتاما: 2021 جىلى بۇكىل رەسپۋبليكا بويىنشا ۇيىمداستىرىلعان شارۋاشىلىق جۇرگىزۋشى سۋبەكتىلەردەگى كارتوپتىڭ ەگىستىك القابى 198 مىڭ گەكتاردى قۇرادى، بۇل وتكەن جىلمەن سالىستىرعاندا 6 مىڭ گەكتارعا ارتىق. وسى مالىمەتتەرگە سايكەس، كارتوپ ءوندىرىسى 4 ميلليون توننا دەڭگەيىندە كۇتىلۋدە.
مەملەكەت تاراپىنان فەرمەرلەرگە تۇقىم، مينەرالدى تىڭايتقىشتار، پەستيسيدتەر ساتىپ الۋ كەزىندە سۋبسيديا تۇرىندە قولداۋ كورسەتىلەدى. سونداي-اق سۋارمالى جەردىڭ شىعىندارى ءىشىنارا وتەلەدى.
ينۆەستيسيالىق سۋبسيديالاۋ باعدارلاماسى شەڭبەرىندە تەحنيكانى ساتىپ الۋ، اۋىل شارۋاشىلىعى ونىمدەرىن ساقتاۋ جانە قايتا وڭدەۋ وبەكتىلەرىن قۇرۋ، سۋارۋ جۇيەلەرىن قۇرۋ جانە كەڭەيتۋ جانە ت.ب. كەزىندە شىعىنداردىڭ ءبىر بولىگى وتەلەدى. بۇدان بولەك، ارزانداتىلعان ديزەل وتىنىن جەتكىزۋ قامتاماسىز ەتىلەدى جانە ەگىن ەگۋ جانە ەگىن جيناۋ جۇمىستارىن قارجىلاندىرۋ كەزىندە كومەك كورسەتىلەدى.
بۇل شارالار اوك سۋبەكتىلەرىن قولداۋعا عانا ەمەس، ءونىمدى ساتقاندا باعاسىنىڭ وسۋىنە جول بەرمەۋگە دە باعىتتالعان.