جىل سايىن قاتەرلى ىسىكپەن اۋىراتىن 36 مىڭعا جۋىق ناۋقاس انىقتالادى.
بۇگىنگى تاڭدا ديسپانسەرلىك ەسەپتە 190 مىڭنان استام قازاقستاندىق تۇر.
جىل سايىن ونكولوگيالىق اۋرۋلاردان شامامەن 14 مىڭ ادام كوز جۇمادى، دەپ حابارلايدى Almaty-akshamy.kz
4 اقپاندا حالىقارالىق وبىرعا قارسى وداقتىڭ (UICC) باستاماسىمەن دۇنيەجۇزىلىك وبىرعا قارسى كۇرەس كۇنى اتاپ وتىلەدى.
جىل سايىن ەلىمىزدە قاتەرلى ىسىكتىڭ 36 مىڭعا جۋىق جاڭا وقيعالار تىركەلەدى. بۇگىنگى تاڭدا ديسپانسەرلىك ەسەپتە 190 مىڭنان استام قازاقستاندىق تۇر. جىل سايىن ونكولوگيالىق اۋرۋلاردان شامامەن 14 مىڭ ادام كوز جۇمادى.
قازاقستاندا قاتەرلى ىسىكتىڭ ەڭ كوپ تاراعان تۇرلەرى: ءسۇت بەزى وبىرى، وكپە وبىرى، اسقازان وبىرى، جاتىر موينى وبىرى جانە كولورەكتالدى وبىرى. قازاقستاندا ونكولوگيالىق كومەكتى جەتىلدىرۋ قازاقستان رەسپۋبليكاسىنىڭ دەنساۋلىق ساقتاۋ سالاسىن دامىتۋدىڭ 2020-2025 جىلدارعا ارنالعان مەملەكەتتىك باعدارلاماسىنىڭ جانە قازاقستان رەسپۋبليكاسىندا ونكولوگيالىق اۋرۋلارمەن كۇرەس جونىندەگى 2018-2022 جىلدارعا ارنالعان كەشەندى جوسپاردىڭ مىندەتتەرىن ىسكە اسىرۋ شەڭبەرىندە جۇزەگە اسىرىلادى.
«2019 جىلى پاۆلودار قالاسىندا جوعارى تەحنولوگيالىق جەلىلىك ۇدەتكىشى بار جاڭا ونكولوگيالىق ورتالىق ىسكە قوسىلدى، قازىرگى ۋاقىتتا اپپاراتتا ساۋلەلىك تەراپيا قىزمەتتەرى كورسەتىلەدى. 2020 جىلى جاڭا ماڭعىستاۋ وبلىستىق ورتالىعى ىسكە قوسىلدى، قازىرگى ۋاقىتتا وندا زاماناۋي جابدىقتار (كت، مرت، جەلىلىك ۇدەتكىش) ورناتىلدى. 2019 جىلدان باستاپ ۇعمو مامانداندىرىلعان كومەك كورسەتەدى، قازىرگى ۋاقىتتا پروتون ورتالىعىن جانە باسقا دا جوعارى تەحنولوگيالىق بولىمشەلەردى ۇيىمداستىرۋ بويىنشا جۇمىستار جالعاسۋدا. 2021 جىلى وسكەمەن قالاسىندا (شقو) جەلىلىك ۇدەتكىش ىسكە قوسىلدى. سونداي-اق 2021 جىلدىڭ قازان ايىنان باستاپ قازوجرعزي بازاسىندا توموتەراپيا ورتالىعىنىڭ جۇمىس ىستەۋى باستالدى.رەسپۋبليكالىق ۇيىمداردا قاشىقتىقتان جوعارى تەحنولوگيالىق ساۋلەلىك تەراپيا (توموتەراپيا، ستەرەوتاكسيس، IMRT، IGRT)، ينتراوپەراسيالىق ساۋلەلىك تەراپيا، اعزالار مەن تىندەردىڭ بيوترانسپلانتاسياسى، از ءينۆازيۆتى حيرۋرگيا دامىپ، پاسيەنتتەرگە ۇسىنىلادى. كلينيكالىق پراكتيكادا ءارتۇرلى بيولوگيالىق ماركەرلەردى (يممۋنوگيستوحيميا، مولەكۋليارلىق-گەنەتيكالىق زەرتتەۋلەر) ايقىنداۋ بويىنشا قىزمەتتەر ۇسىنىلادى، بۇل ونكولوگيالىق ناۋقاستاردى دەربەستەندىرىلگەن ەمدەۋدى جۇرگىزۋگە مۇمكىندىك بەرەدى جانە ءقى مولەكۋليارلىق-بيولوگيالىق ەرەكشەلىكتەرىن نەعۇرلىم ەگجەي-تەگجەيلى زەردەلەۋ بويىنشا مۇمكىندىكتەردى كەڭەيتەدى»، – دەدى ق ر دسم شتاتتان تىس باس ونكولوگى، «قازاق ونكولوگيا جانە راديولوگيا عىلىمي-زەرتتەۋ ينستيتۋتى» اكسيونەرلىك قوعامىنىڭ باسقارما ءتورايىمى، م.ع.د.، پروفەسسور، ق ر ۇعا اكادەميگى ديليارا قايداروۆا.
كەشەندى جوسپاردا نۇر-سۇلتان، سەمەي، شىمكەنت جانە اقتوبە وبلىستارىندا قوسىمشا پەت-ورتالىقتارىن اشۋ جوسپارلانعان. 2021 جىلدىڭ ءساۋىر ايىندا سەمەي قالاسىندا راديويزوتوپتى دياگنوستيكا مەن راديونۋكليدتى تەراپيانى قولدانا وتىرىپ، قازاقستانداعى العاشقى يادرولىق مەديسينا ورتالىعى اشىلدى. وندا راديويود تەراپياسى جۇرگىزىلەدى.
قازاقستاندا جاتىر موينى وبىرىن، ءسۇت بەزى قاتەرلى ىسىگىن جانە تىك ىشەكتىڭ قاتەرلى ىسىگىن ەرتە انىقتاۋ بويىنشا ۇلتتىق سكرينينگتىك باعدارلامالار جۇرگىزىلەدى. قازاقستان ازاماتتارىنا ونكولوگيالىق اۋرۋلاردى دياگنوستيكالاۋ جانە ەمدەۋ تەگىن مەديسينالىق كومەكتىڭ كەپىلدەندىرىلگەن كولەمىنە (گوبمپ) كىرەدى جانە مەملەكەتتىك بيۋدجەتتەن تولىعىمەن قامتىلعان.
قازاقستان حالقى ءۇشىن ونكولوگيالىق سكرينينگتىڭ 3 ءتۇرى تەگىن جۇرگىزىلەدى:
1) ءسۇت بەزى قاتەرلى ىسىگىنىڭ سكرينينگى
2) جاتىر موينى قاتەرلى ىسىگىنىڭ سكرينينگى
3) كولورەكتالدى قاتەرلى ىسىك سكرينينگى
قازوجرعزي قاتەرلى ىسىكتى زەرتتەۋ بويىنشا حالىقارالىق ىنتىماقتاستىقتى بەلسەندى دامىتۋدا: قازىرگى ۋاقىتتا تمد جانە ەۋروپانىڭ جەتەكشى عىلىمي ورتالىقتارىمەن ءوزارا ءىس-قيمىل جانە ءوزارا عىلىمي ىنتىماقتاستىق تۋرالى كەلىسىمدەرگە قول قويىلدى. قازوجرعزي حالىقارالىق كلينيكالىق زەرتتەۋلەرگە بەلسەندى قاتىسادى. ينستيتۋتتا ۇنەمى حالىقارالىق كونفەرەنسيالار، شەبەرلىك-ساعاتتار، شەتەلدىك ماماندارمەن تاجىريبە الماسۋ وتكىزىلىپ تۇرادى.
ب ا ق وكىلدەرىمەن وتكەن ونلاين باسپا ءسوز ءماسليحاتىنا قاتەرلى ىسىكپەن اۋىرىپ، وتاندىق دارىگەرلەردىڭ كومەگىمەن قۇلان-تازا جازىلىپ شىققان ازامات، قازاقستاننىڭ قۇرمەتتى ۇشقىشى راحمان وسپانوۆ ازاماتتاردى دەر كەزىندە تەكسەرىلۋگە جانە ەمدەلۋگە كەڭەس بەردى.