ەلىمىزدە 31 مىڭنان استام ازامات جەڭىل ءارى تەز تابىسقا كەنەلەم دەپ ءتۇرلى قارجى پيراميدالارىنىڭ الداۋىنا ءتۇسىپ قالعان. بۇل تۋرالى ق ر ءىىم تەرگەۋ دەپارتامەنتىنىڭ باسشىسى سانجار ءادىلوۆ ءمالىم ەتتى، دەپ حابارلايدى اlmaty-akshamy.kz.
«ازاماتتاردىڭ اقشالاي قاراجاتى مەن مۇلكىن زاڭسىز يەلەنۋ ماقساتىندا قۇرىلعان قارجى پيراميدالارى، سوڭعى جىلدارى كەڭ تارالعان قىلمىس تۇرىنە جاتادى. قارجى پيراميدالارىنىڭ كوبەيۋىنە جابىرلەنۋشىلەر سانىنىڭ كۇرت ءوسۋى اسەر ەتتى. ال ولاردان كەلگەن جالپى زالالدىڭ مولشەرى ميللياردتاردى قۇرادى. بۇگىندە 31 مىڭنان استام قازاقستاندىق ازامات قارجى پيراميدالارىنىڭ قۇربانى بولدى. شىعىن كولەمى 54 ملرد تەڭگەدەن اسىپ تۇسەدى»، - دەدى سانجار ءادىلوۆ ق ر ىىم-دە ونلاين وتكەن باسپا ءسوز ءماسليحاتىندا.
ونىڭ ايتۋىنشا، قارجى پيراميدالارى ازاماتتاردى الداۋدىڭ ءتۇرلى ءادىسىن قولدانادى.
«الاياقتار ويلاپ تاپقان ادىستەردىڭ كوبىسى ازاماتتاردى جەڭىل اقشا تابۋعا شاقىرادى. سونىڭ ءبىرى - ينۆەستيسيا قۇيۋ. ياعني، قارجى پيراميدالارى وزدەرىن نارىقتا تابىستى كومپانيا رەتىندە كورسەتىپ، قىزمەتتەرىن ۇسىنادى. جانە ازاماتتاردى تارتۋ ءۇشىن ءتۇرلى ينۆەستيسيالىق جوبالاردى ويلاپ تابادى. سونداي-اق، قارجى پيراميدالارى شاعىن قارجىلىق ۇيىم رەتىندە، بۋكمەكەرلىك كونتور جانە تۇتىنۋشىلار كووپەراتيۆىنىڭ اتىن جامىلىپ تا جۇمىس ىستەيدى. ودان بولەك، ولاردىڭ باستى قۇرالى الەۋمەتتىك جەلى. ياعني، جەڭىل ءارى ونلاين تابىس تابۋعا شاقىرادى. ول ءۇشىن مەسسەندجەرلەردىڭ مۇمكىندىگىن پايلانادى»، - دەيدى ول.