ەندى بىزدە شامامەن 150-160 مىڭ ادام زەينەتكە شىعادى.
بۇگىنگى تاڭدا قازاقستانداعى زەينەتكەرلەردىڭ سانى 2،2 ملن ادامدى قۇرايدى. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ەڭبەك ءمينيسترى 2028 جىلدان باستاپ قازاقستاندا قانشا زەينەتكەر بولادى دەگەن سۇراققا جاۋاپ بەردى.
«جىل سايىن بىزدە 120 مىڭعا جۋىق ادام زەينەتكە شىعادى، ولاردىڭ شامامەن 50%-ى - ايەلدەر. ەندى بىزدە شامامەن 150-160 مىڭ ادام زەينەتكە شىعادى. قازىرگى ۋاقىتتا 2،2 ميلليون زەينەتكەر بار، ال 2028 جىلدان باستاپ 2،5-2،6 ميلليون ادام بولادى. جالپى، زەينەتكەرلىك جاسقا جەتكەندەر ەسەبىنەن جانە 61 جاسقا دەيىنگى زەينەتكەرلىك جاسىن توقتاتقان ادامدار ەسەبىنەن 400 مىڭ ادامعا كوبەيەتىن بولادى»، - دەدى تامارا دۇيسەنوۆا ۇكىمەت كۋلۋارىندا تىلشىلەرگە بەرگەن سۇحباتىندا.
ايتا كەتەيىك، كەشە مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك جاستار ساياساتى جانە الەۋمەتتىك قامسىزداندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.
قۇجاتقا سايكەس، 2023 جىلدان 2028 جىلعا دەيىن ايەلدەردىڭ زەينەتكەرلىك جاسىن ارتتىرۋ 61 جاس دەڭگەيىندە ۋاقىتشا توقتاتىلادى.