ەڭبەكاقى تولەۋدىڭ جۇيەلى تاسىلدەرىن دايىنداۋ بويىنشا جۇمىس جۇرگىزىپ كەلەدى.
اسكەري قىزمەتشىلەرگە ەڭبەكاقى تولەۋدىڭ جۇيەلى تاسىلدەرى ازىرلەنىپ جاتىر. بۇل جايىندا سەنات دەپۋتاتتارىنىڭ ساۋالىنا پرەمەر-مينيستر ءاليحان سمايىلوۆتىڭ جاۋابىندا ايتىلعان، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ۇكىمەت قارۋلى كۇشتەردىڭ سەرجانتتار مەن قاتارداعى جاۋىنگەرلەر قۇرامى اسكەري قىزمەتشىلەرى لاۋازىمدارىنىڭ تاريفتىك ساناتتارىن ولاردى قارۋلى كۇشتەر مەكەمەلەرىنىڭ شتاتتارىنا ءتيىستى وزگەرىستەر ەنگىزە وتىرىپ، ءۇش رازريادقا ارتتىرۋ جولىمەن كوتەرۋ ماسەلەسىن پىسىقتاپ جاتىر. ودان باسقا، ۇكىمەت مەملەكەتتىك قىزمەتشىلەرگە ەڭبەكاقى تولەۋدىڭ جاڭا جۇيەسىمەن ۇقساس فاكتورلىق-بالدىق شاكىل قاعيداتتارىن ەنگىزۋ بولىگىندە ارناۋلى جانە قۇقىق قورعاۋ ورگاندارىنىڭ قىزمەتكەرلەرىنە، قارۋلى كۇشتەردىڭ، باسقا دا اسكەرلەر مەن اسكەري قۇرالىمداردىڭ اسكەري قىزمەتشىلەرىنە ەڭبەكاقى تولەۋدىڭ جۇيەلى تاسىلدەرىن دايىنداۋ بويىنشا جۇمىس جۇرگىزىپ كەلەدى»، - دەپ اتاپ وتەدى ءاليحان سمايىلوۆ جاۋابىندا.
سونىمەن قاتار، ۇكىمەت باسشىسى اسكەري جانە ازاماتتىق دارىگەرلەردىڭ جالاقىسىن تەڭەستىرۋگە قاتىستى جۇمىس جۇرگىزىلىپ جاتقانىنا توقتالادى.
«اسكەري دارىگەرلەر مەن ازاماتتىق دەنساۋلىق ساقتاۋ ۇيىمدارى قىزمەتكەرلەرىنىڭ ەڭبەگىنە اقى تولەۋدەگى تەڭگەرىمسىزدىكتى بولدىرماۋ ماقساتىندا ۇكىمەت اسكەري دارىگەرلەردىڭ اقشالاي ۇلەسىن ازاماتتىق مەديسينالىق مەكەمەلەر قىزمەتكەرلەرىنىڭ جالاقىسى دەڭگەيىنە دەيىن ارتتىرۋ ماسەلەسىن پىسىقتاپ جاتىر»، - دەدى پرەمەر-مينيستر.