قازاقستاندا جىل باسىنان بەرى جۇزدەن استام ادام پويىز استىنا تۇسكەن

ولاردىڭ جارتىسىنان كوبى كوز جۇمعان

مۇنداي مالىمەتتى كولىكتەگى پوليسيا دەپارتامەنتىنىڭ باسپا ءسوز قىزمەتى كەلتىرگەن، دەپ حابارلايدى Almaty-akshamy.kz قازاقپاراتقا سىلتەمە جاساپ.

جىل باسىنان بەرى كولىكتەگى پوليسەيلەر پويىزدى شۇعىل توقتاتۋعا قاتىستى 2 482 فاكتىنى تىركەدى. ونىڭ ىشىندە تەمىرجولدا ادامداردىڭ بولۋىنا بايلانىستى – 504، مالدىڭ جۇرۋىنە بايلانىستى – 1 884 جاعداي انىقتالعان.

«قوستاناي وبلىسى «قويباعار-قۇسمۇرىن» وتكەلىندە «الماتى-قوستاناي» باعىتىنداعى جولاۋشىلار پويىزى 2 جىلقىنى باسىپ كەتتى. وسىعان بايلانىستى مالدىڭ يەسىنە ق ر اكىمشىلىك قۇقىق بۇزۋشىلىق كودەكسىنىڭ 559-بابى 1-بولىگى (تەمiرجول ارقىلى ءمىنىس مالدى جانە تابىندى ايداپ ءوتۋ، تەمiرجولداردىڭ بولىنگەن جولاعىندا مال جايۋ قاعيدالارىن بۇزۋ) بويىنشا اكىمشىلىك حاتتاما تولتىرىلىپ، 5 اەك (14 585 تەڭگە) كولەمىندە ايىپپۇل سالىندى. پويىز 45 مينۋت بويى تۇرىپ قالدى»، - دەدى كولىكتەگى پد باستىعى وڭال بەكييەۆ.

ونىڭ ايتۋىنشا، ەسەپتىك كەزەڭدە بەلگىلەنگەن جەرلەردە تەمىرجولدى كەسىپ وتكەنى ءۇشىن 25 112 ادام جاۋاپقا تارتىلعان.

«وسى جىلدىڭ 11 ايىندا ەلدە 108 ازامات پويىز استىنا تۇسكەن، ولاردىڭ جارتىسىنان كوبى مەرت بولدى»، - دەپ اتاپ ءوتتى.

«تەمىرجول ەڭ ءقاۋىپتى ايماق بولىپ سانالادى. ءار ازامات تەمىرجول ايماعىندا ءجۇرۋ ەرەجەسىن ءبىلۋى ءتيىس. ءبىزدىڭ، سونداي-اق جاقىندارىمىز بەن تۋىستارىمىزدىڭ ءومىرى مەن دەنساۋلىعى وسىعان بايلانىستى. ادام ومىرىنەن ماڭىزدى ەشتەڭە جوق»، - دەپ تۇيىندەدى پوليسيا گەنەرال-مايورى.