جەتىمدىك جانە قامقورشىلىقتىڭ الدىن الۋ ماسەلەلەرى قارالدى
الماتى قالاسى اكىمىنىڭ ورىنباسارى ە. باباقۇماروۆتىڭ توراعالىعىمەن وتكەن كوميسسيا وتىرىسىندا جەتىمدىك جانە قامقورشىلىقتىڭ الدىن الۋدىڭ وزەكتى ماسەلەلەرى قارالدى.
كوميسسيا جۇمىسىنا الەۋمەتتىك قىزمەتتەر، دەنساۋلىق ساقتاۋ جانە ءبىلىم بەرۋ ورگاندارىنىڭ وكىلدەرى، سونداي-اق داعدارىس ورتالىقتارى وداعىنىڭ باسشىسى ز.بايساقوۆا قاتىستى. كوميسسيا جۇمىسى ومىردە قيىن جاعدايعا تاپ بولعان وتباسىلارعا كومەك كورسەتۋگە باعىتتالعان.
كەزدەسۋدە قولداۋ شارالارىن كورسەتۋ، سونىڭ ىشىندە بالالارعا ارنالعان قۇجاتتاردى رەسىمدەۋ، بالاباقشالارعا كەزەككە قويۋ، بالالار مەن اتا-انالاردى مەديسينالىق تەكسەرۋدەن وتكىزۋ ماسەلەلەرى تالقىلاندى. ەرجان باباقۇماروۆ اتاپ وتكەندەي، جەتىمدىكتىڭ ماڭىزدى الدىن الۋ شاراسى اتا-انالاردى الەۋمەتتەندىرۋ بولىپ تابىلادى.
وسىعان بايلانىستى قالا اكىمىنىڭ ورىنباسارى ە. باباقۇماروۆ سوڭعى ەكى جىلداعى ءۇمىت ۇيىنە جۇگىنۋدىڭ بارلىق جاعدايلارىنا تالداۋ جۇرگىزۋدى تاپسىردى. سونىمەن قاتار، قيىن جاعدايعا تاپ بولعان انالار مەن اكەلەردى جۇمىسقا ورنالاستىرۋ جانە بەلسەندى قوعامدىق ومىرگە تارتۋ بويىنشا الدىن الۋ شارالارىنىڭ پاكەتىن ازىرلەۋ تاپسىرىلدى.