اباي فەنومەنىنە قاتىستى بىرنەشە كىتاپتىڭ تۇساۋكەسەرى ءوتتى
فيلولوگيا عىلىمدارىنىڭ دوكتورى شاكىر يبرايەۆتىڭ «اباي فەنومەنى»، «اباي فەنومەنولوگياسى: ەستەتيكاسى مەن پراگماتيكاسى» جانە «قازاقتىڭ عۇرىپتىق فولكلورى» كىتاپتارىنىڭ تۇساۋكەسەرى ءوتتى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
جاڭا كىتاپتار ەۋرازيا ۇلتتىق ۋنيۆەرسيتەتىندە فيلولوگيا عىلىمدارىنىڭ دوكتورى، پروفەسسور ش. يبرايەۆتىڭ 70 جىلدىق مەرەيتويىنا ارنالعان «اباي فەنومەنولوگياسى: ەستەتيكاسى مەن پراگماتيكاسى» تاقىرىبىندا حالىقارالىق كەڭەيتىلگەن دوڭگەلەك ۇستەلدە تانىستىرىلدى. جيىندى جوعارعى وقۋ ورنىنىڭ تۇركىتانۋ كافەدراسى ۇيىمداستىردى.
جيىن بارىسىندا تۇركىتانۋ كافەدراسىنىڭ پروفەسسورى، فيلولوگيا عىلىمدارىنىڭ دوكتورى ش. يبرايەۆتىڭ «اباي فەنومەنى»، «اباي فەنومەنولوگياسى: ەستەتيكاسى مەن پراگماتيكاسى» جانە «قازاقتىڭ عۇرىپتىق فولكلورى» كىتاپتارىنىڭ تۇساۋكەسەرى ءوتتى. جيىن سوڭىندا ۋنيۆەرسيتەت رەكتورى ەرلان سىدىقوۆ مەرەيتوي يەسىن «كۇلتەگىن» مەدالىمەن ماراپاتتادى.