10 ايدا 103 مىڭنان استام نەكە تىركەلگەن، ال 2024 جىلدىڭ باسىنان بەرى 40 مىڭ جاڭا وتباسى قۇرىلدى.
نەكە سانى بويىنشا الماتى، استانا جانە شىمكەنت قالالارى كوش باستاپ تۇر، دەپ حابارلايدى Almaty-akshamy.kz Elorda.info-عا سىلتەمە جاساپ.
سونداي-اق، 2023 جىلدىڭ شىلدەسىنەن باستاپ ەلىمىزدىڭ 328 مىڭ ازاماتىنىڭ تۋۋى تىركەلدى.
قازىرگى تاڭدا «ازاماتتارعا ارنالعان ۇكىمەت» استانادا، قاراعاندىدا، الماتىدا جانە قوستانايدا نەكەنى سالتاناتتى تۇردە تىركەيدى جانە بۇل قىزمەتتى باسقا قالالاردا ەنگىزۋدى جوسپارلاپ وتىر.
سونىمەن قاتار، بالانىڭ تۋۋىن سالتاناتتى تىركەۋدى ەنگىزۋ جوسپارلانۋدا. ءقازىردىڭ وزىندە تۋۋ تۋرالى كۋالىكتەردى جەتكىزۋ جانە ولاردى اتا-انالارىنا تىكەلەي پەرزەنتحانالاردا تابىستاۋ بويىنشا استانانىڭ مەديسينالىق مەكەمەلەرىمەن كەلىسسوزدەر جۇرگىزىلىپ جاتىر. ەلورداداعى پيلوتتىق جوبا سۇرانىسقا يە بولعان جاعدايدا، جوبا اۋقىمى كەڭەيەتىن بولادى.
2023 جىلعى 1 شىلدەدە «ازاماتتارعا ارنالعان ۇكىمەتكە» ازاماتتىق حال اكتىلەرىن تىركەۋ فۋنكسيالارى بەرىلگەن بولاتىن.