تولە بي كوشەسىنەن جاندوسوۆ كوشەسىنە دەيىنگى ارالىقتاعى داڭعىلدىڭ بۋلۆارلىق بولىگى تۋرالى ايتىلىپ وتىر.
الماتىدا قالا اكىمدىگى مەن ءماسليحاتتىڭ مەگاپوليس كوشەلەرىنىڭ اتاۋىن وزگەرتۋ جانە ولارعا اتاۋ بەرۋ تۋرالى بىرلەسكەن قاۋلىسىنىڭ جوباسى كوپشىلىكتىڭ تالقىلاۋىنا ۇسىنىلادى، دەپ حابارلايدى Almaty-akshamy.kz
سونىمەن،يۋ. گاگارين اتىنداعى داڭعىلدىڭ ءبىر بولىگىن - ك. تيميريازيەۆ كوشەسىنەن ەرمەك سەركەبايەۆتىڭ ەسىمىمەن اتاۋ جوسپارلانۋدا. بۇدان وزگە، اۋەزوۆ اۋدانىنداعى يۋبيلەينايا كوشەسىنە ۆلاديمير تولوكوننيكوۆ اتىن بەرۋ ۇسىنىلۋدا.
بوستاندىق جانە تۇركسىب اۋداندارىنداعى اتاۋسىز كوشەلەرگە ەسكەندىر حاسانعالييەۆ پەن يۋريي پومەرانسيەۆتىڭ ەسىمدەرى بەرىلەتىن بولادى.
بەلگىلى بولعانىنداي، ءبىرىنشى عارىشكەر، كەڭەس وداعىنىڭ باتىرى يۋريي گاگاريننىڭ ەسىمىمەن شارتتى تۇردە "13-لينيا" دەگەن كوشە اتالدى، ونىڭ نەگىزگى بولىگى قازىرگى تولە بي (بۇرىنعى كومسومولسكايا 1991 جىلعا دەيىن) جانە جاندوسوۆ (بۇرىنعى قارعالى تاس جولى 1964 جىلعا دەيىن) كوشەلەرىنىڭ شەگىندە بولدى. شەشىمدى 1961 جىلعى 14 ساۋىردەگى الماتى قالالىق اتقارۋ كوميتەتى قابىلداعان بولاتىن.
تولە بي كوشەسىنەن يۋ. گاگارين داڭعىلىنىڭ نەگىزگى، بۋلۆارلىق بولىگى جاندوسوۆ كوشەسىندە ءۇزىلىپ، تەك 2 كۆارتالدان نەمەسە 560 مەتردەن كەيىن جالعاسادى. سونىمەن قاتار، بۇل سەگمەنتتە جاياۋ جۇرگىنشىلەر نەمەسە باسقا جولدار جوق. وسى جاعدايدى، سونداي-اق قالانىڭ ءوسىپ كەلە جاتقان حالقىن ەسكەرە وتىرىپ، زاماناۋي قالالار جاعدايىندا تۇرعىندار، قوناقتار مەن تۋريستەر ءۇشىن ناۆيگاسيا كۇردەلەنە تۇسەتىنىن ەسكەرۋ قاجەت.
سونىمەن قاتار، ەرمەك سەركەبايەۆتىڭ ەسىمىن داڭعىلدىڭ ءبىر بولىگىنە بەرۋ ونىڭ ەرەكشە ەڭبەگىنىڭ اقتالعانىن كورسەتەدى.
ە. سەركەبايەۆ - اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ ءسوليسى، كسرو مەن قازاقستاننىڭ حالىق ءارتىسى. قازاق، ورىس جانە باسقا تىلدەردەگى كلاسسيكالىق جانە كەڭەستىك شىعارمالاردىڭ كورنەكتى قازاقستاندىق ءانشىسى، حالىق اندەرىنىڭ، رومانستاردىڭ جانە باس وپەرا پارتيالارىنىڭ ورىنداۋشىسى. مىسالى، اباي، ونەگين، كنياز يگور جانە ت. ب. پارتيالاردى شىرقاعان.
50-دەن استام ەلدە كونسەرتتەر وتكىزدى. ونىڭ رەپەرتۋارىندا قازاق اندەرىمەن قاتار «نادو منوي نەبو سينەە»، «نا بەزىمياننوي ۆىسوتە»، «سيەۆاستوپولسكيي ۆالس»، «پەسنيا و موسكۆە» سىندى وزگە حالىقتاردىڭ دا اندەرى بولدى.
سونىمەن قاتار، قالا كوشەلەرىن اتاۋعا ۇسىنىلعان باسقا دا كورنەكتى مادەنيەت جانە ونەر قايراتكەرلەرىنىڭ ەڭبەگى ەش كۇمان تۋدىرمايدى.
ۆلاديمير تولوكوننيكوۆ – اكتەر، قازاقستاننىڭ ەڭبەك سىڭىرگەن ءارتىسى، الماتىدا شامامەن ەلۋ جىلداي م. لەرمونتوۆ اتىنداعى مەملەكەتتىك اكادەميالىق ورىس دراما تەاترىندا جۇمىس ىستەدى. قىرىقتان استام فيلمگە تۇسكەن ونەر شەبەرى. يۋبيلەينايا كوشەسىندە ءبىر كەزدەرى ۆ. تولوكوننيكوۆتىڭ ءوزى وتباسىمەن بىرگە ءومىر سۇرگەن.
ەسكەندىر حاسانعالييەۆ – ءانشى، كومپوزيتور، قازاقستاننىڭ حالىق ءارتىسى، قازاقستان رەسپۋبليكاسى مەملەكەتتىك سىيلىعىنىڭ لاۋرەاتى. "اناعا سالەم"، "اسىل ارمان"، "ادەمى-اۋ"، "ساعىندىم سەنى"، "گۇل سەزىم" جانە ت. ب. اندەردىڭ اۆتورى.
يۋريي پومەرانسيەۆ – اكتەر، رەجيسسەر، پەداگوگ، قازاقستاننىڭ حالىق ءارتىسى. ەلۋىنشى جىلداردان باستاپ "ءبىزدىڭ سۇيىكتى دارىگەر" فيلمىندە ويناپ، بارلىق قازاقستاندىقتاردىڭ سۇيىكتىسىنە اينالعان ەدى.
ەسكە سالساق، قاۋلى جوباسى اعىمداعى جىلدىڭ 28 مامىرىنا دەيىن تالقىلاۋ ءۇشىن اشىق نقا پورتالىندا بولادى.