الماتىنىڭ قالا قۇرىلىسىن باقىلاۋ باسقارماسى ءال-فارابي داڭعىلى، 101 مەكەنجايىنداعى پەنتحاۋسقا قوسىمشا سالىنعان عيماراتتاردى بۇزۋ تۋرالى حابارلايدى.
ەليتالىق تۇرعىن ءۇي يەسى (جەكە تۇلعا) ءوز پاتەرىنىڭ اينالاسىنا رۇقسات قۇجاتتارىنسىز قوسىمشا عيماراتتار تۇرعىزدى.
باسقارما نىسان بويىنشا جوسپاردان تىس تەكسەرۋلەردى بىرنەشە رەت باستادى، ءبىراق مەنشىك يەسى حابارلاما الۋدان باس تارتقان. ەستەرىڭىزگە سالا كەتەيىك، ق ر كاسىپكەرلىك كودەكسىنە سايكەس تەكسەرۋ سۋبەكتىسىنە جوسپاردان تىس تەكسەرۋ تاعايىنداۋ تۋرالى اكتىنى تاپسىرعان كەزدە عانا باستالۋى مۇمكىن.
باسقارما بوستاندىق اۋداندىق سوتىنا جالپى اۋدانى 150 ش. م. پەنتحاۋسقا جاپسارجايدى بۇزۋ تۋرالى تالاپ ارىز بەردى.
بوستاندىق سوتىنىڭ 2023 جىلعى 13 قاڭتارداعى شەشىمىمەن باسقارمانىڭ بۇزۋ تۋرالى تالابى قاناعاتتاندىرىلدى.
بىلتىر 11 ساۋىردە الماتى قالالىق سوتى ءبىرىنشى ساتىلى سوتتىڭ شەشىمىن وزگەرىسسىز قالدىردى.
مەنشىك يەسى زاڭسىز تۇرعىزىلعان قۇرىلىستى بۇزۋعا الماتى قالاسى ادىلەت دەپارتامەنتىنىڭ سوت ورىنداۋشىلارىمەن بىرگە ەرىكتى تۇردە كىرىستى.