ەلىمىزدە قۇرىلىس قارقىنى ارتىپ كەلەدى.
جىل باسىنان بەرى 28 مىڭنان استام تۇرعىن ءۇي سالىنعان. بۇل - پايدالانۋعا بەرىلگەن نىسانداردىڭ 90 پايىزى. سالىنعان عيماراتتاردىڭ جالپى اۋدانى 12 ميلليون شارشى مەتر. مامانداردىڭ بولجامىنشا، قۇرىلىس جۇمىستارىنا 4 ميلليارد تەڭگەدەي جۇمسالعان، دەپ حابارلايدى Almaty-akshamy.kz.
بۇل وتكەن جىلمەن سالىستىرعاندا 5،1 پايىزعا كوپ. تاعى دا ايتا كەتەتىن ءجايت، تۇرعىن ۇيلەردىڭ باسىم بولىگىن وتاندىق قۇرىلىس كومپانيالارى سالعان. جاڭا ۇيلەردى پايدالانۋعا بەرۋ كورسەتكىشى جاعىنان شىمكەنت قالاسى مەن قىزىلوردا، اقمولا وبلىسى كوش باستاپ تۇر. ال، قاراعاندى، ماڭعىستاۋ، اباي وبلىسىندا كەرىسىنشە، قۇرىلىس جۇمىستارىنىڭ قارقىنى تومەن. جالپى، بيىل پايدالانۋعا بەرىلگەن 31 مىڭنان استام جاڭا نىساننىڭ 90،8 پايىزى - تۇرعىن ءۇي. قالعانى - الەۋمەتتىك نىساندار مەن كوممەرسيالىق عيماراتتار.