ەلدەگى ءىرى كومپانيالار سيفرلىق ەكوجۇيەنى دامىتۋعا ءوز ۇلەستەرىن قوسىپ كەلەدى.
قازاقستان بۇۇ-عا كىرەتىن 193 ەلدىڭ اراسىندا ەلەكتروندىق ۇكىمەتتى دامىتۋ بويىنشا 28-ورىنعا تۇراقتادى، دەپ حابارلايدى Almaty-akshamy.kz Finprom.kz سايتىنا سىلتەمە جاساپ.
ەل يندەكسى (e-Government Development Index، EGDI) – 0،86. بۇل تمد جانە ورتالىق ازيا ەلدەرى اراسىنداعى ەڭ جوعارى كورسەتكىش ەكەنىن اتاپ ءوتۋ كەرەك. بۇدان بولەك ەلىمىز يرلانديا، كانادا، يتاليا، بەلگيا، چەحيا جانە ت.ب. دامىعان ەلدەردى دە باسىپ وزعان.
EGDI ەلەكتروندىق ۇكىمەتتىڭ 3 ماڭىزدى بەلگىسىنىڭ (ونلاين قىزمەت كورسەتۋ، تەلەكوممۋنيكاسيا جانە ادام الەۋەتى) جيىنتىق كورسەتكىشىن ۇسىنادى.
بۇدان بولەك قازاقستان ازاماتتاردىڭ ەلەكتروندىق قاتىسۋى رەيتينگىندە (E-Participation Index، EPI) 15-ورىندا تۇر.
ءبىرقاتار مەملەكەتتىك قىزمەت ءتۇرىن Egov.kz پورتالىندا نەمەسە ءتيىستى قوسىمشا ارقىلى ونلاين-فورماتتا الۋعا بولادى. بۇدان بولەك ءموبيلدى قوسىمشالار ارقىلى زەينەتاقى اكتيۆتەرىن باسقارۋعا (Enpf.kz)، «ەلەكتروندىق ەمحاناعا» قول جەتكىزۋگە (Damumed) بولادى.
سونىمەن قاتار سيفرلاندىرۋعا قارجى (بانكتەردىڭ سايتتارى مەن قوسىمشالارى، ونلاين-ساقتاندىرۋ جانە ت.ب.)، ونەركاسىپ، قۇرىلىس، لوگيستيكا، تەلەكوم، مادەنيەت جانە ت. ب. سالالارىنىڭ ءىرى كومپانيالارى دا ۇلەس قوسىپ وتىر.
اقپاراتقا سايكەس، 2021 جىلى ەلىمىزدە 6 جاستان 74 جاسقا دەيىنگى ينتەرنەتتى پايدالانۋشىلاردىڭ ۇلەسى (ۇيالى بايلانىستى ەسكەرە وتىرىپ) 92،9%-دى قۇراعان. بۇدان بولەك اۋىلدىق جەرلەردىڭ ينتەرنەتپەن قامتاماسىز ەتىلۋى 90،7% بولسا، قالالاردا بۇل كورسەتكىش 94،4%-عا جەتكەن.
Digital Intelligence Index سيفرلىق ەۆوليۋسيا بويىنشا رەيتينگتە قازاقستان سيفرلاندىرۋدىڭ دامۋ قارقىنى بويىنشا 20-ورىندا تۇر. سونىمەن قاتار 2021 جىلى DSGI سيفرلىق داعدىلار دەڭگەيى بويىنشا رەيتينگتە 134 ەلدىڭ اراسىندا 43-ورىنعا تۇراقتادى.