ق ر ەڭبەك جانە حالىقتى الەۋمەتتىك قورعاۋ مينيسترلىگى ەڭبەك مىندەتتەرىن ورىنداۋ كەزىندە جۇمىسكەرلەردى جازاتايىم وقيعالاردان مىندەتتى ساقتاندىرۋ جۇيەسىن جەتىلدىرۋدى كوزدەيتىن زاڭناماعا تۇزەتۋلەر توپتاماسىن ازىرلەدى. ءتيىستى زاڭ جوباسىن ءماجىلىس قابىلدادى جانە ق ر پارلامەنتى سەناتىنىڭ قاراۋىنا جولداندى، دەپ حابارلايدى Almaty-akshamy.kz.
زاڭناماعا ەنگىزىلگەن تۇزەتۋلەردە تومەندىگىلەر كوزدەلگەن.
- ءومىردى ساقتاندىرۋ كومپانيالارىنىڭ جۇمىس بەرۋشىنىڭ الدىن الۋ شارالارىنا جۇمساعان شىعىندارىن تولەنگەن ساقتاندىرۋ سىياقىسىنىڭ 6 %-ىنا دەيىن وتەۋى. الدىن الۋ شارالارىنا مىنالار جاتادى: باسشىلار مەن ەڭبەك قاۋىپسىزدىگى جانە ەڭبەكتى قورعاۋدى قامتاماسىز ەتۋگە جاۋاپتى ادامداردى وقىتۋ؛ كاسىپتىك تاۋەكەلدەردى باعالاۋ؛ نورماتيۆتىك-تەحنيكالىق قۇجاتتاما ازىرلەۋ؛ مەرزىمدى مەديسينالىق تەكسەرۋلەر جۇرگىزۋ؛ وندىرىستىك جاراقاتتانۋ ءقاۋپىنىڭ دارەجەسىنە اسەر ەتەتىن نەگىزگى قۇرالداردى جاڭعىرتۋ؛ ۇجىمدىق قورعاۋ قۇرالدارىن، سونداي-اق قاۋىپسىزدىك جۇيەلەرىن ورناتۋ.
- ءومىردى ساقتاندىرۋ كومپانيالارىنىڭ تولەنگەن ساقتاندىرۋ سىياقىسىنىڭ 6 % شەگىندە وڭالتۋ شارالارىنا ارنالعان شىعىستاردى وتەۋى. وڭالتۋ شارالارى: الەۋمەتتىك-پسيحولوگيالىق وڭالتۋدى؛ كاسىپتىك جانە ەڭبەكتى وڭالتۋدى؛ زارداپ شەككەن قىزمەتكەردىڭ دەنساۋلىعىنا زيان كەلتىرۋدەن تۋىنداعان جۇمىس بەرۋشىنىڭ قوسىمشا شىعىندارىن؛ قالپىنا كەلتىرۋدى جانە رەكونسترۋكتيۆتىك تەراپيانى كوزدەيدى.
- زارداپ شەككەن قىزمەتكەردىڭ ساناتوريي-كۋرورتتىق ەمدەلۋىنىڭ ءومىرىن ساقتاندىرۋ كومپانيالارىنىڭ 100 ايلىق ەسەپتىك كورسەتكىشكە (بۇدان ءارى – اەك) دەيىنگى مولشەردە تولەۋى. قىزمەتتەردىڭ قۇنى 100 اەك-تەن اسقان جاعدايدا الۋشىنىڭ ەسەبىنەن الەۋمەتتىك تولەم جاساۋ مۇمكىندىگى بولادى.
- زارداپ شەككەن قىزمەتكەرلەردى الەۋمەتتىك قورعاۋدى كۇشەيتۋ.
قازىرگى ۋاقىتتا رەگرەسسيالىق تولەمدەردىڭ مولشەرىن ەسەپتەۋ كەزىندە جۇمىسكەردىڭ كىناسى دە انىقتالادى. ەگەر جۇمىسكەردىڭ كىناسى، مىسالى 50 % مولشەرىندە انىقتالسا، وندا وعان تيىسىنشە تولەمنىڭ تەك 50 % عانا بەرىلەدى. جاڭا تۇزەتۋلەر وعان وزگەرىس ەنگىزەدى. تيىسىنشە، جۇمىسكەرگە ەڭبەك جاراقاتىن العان كەزدە ومىرىنە جانە دەنساۋلىعىنا كەلتىرىلگەن زياندى وتەۋ تولىق كولەمدە جۇزەگە اسىرىلادى.
بۇدان باسقا، زاڭناماعا ەنگىزىلگەن تۇزەتۋلەردە كاسىپتىك ەڭبەككە قابىلەتتىلىگىنەن ايىرىلۋ دارەجەسى 2015 جىلعى 10 مامىرعا دەيىن العاش رەت 30-دان 100 %-عا دەيىنگى مولشەردە بەلگىلەنگەن جانە 2015 جىلعى 10 مامىردان باستاپ 2024 جىلعى 1 قاڭتارعا دەيىنگى كەزەڭدە كۋالاندىرۋ مەرزىمىنسىز ۇزارتىلعان نەمەسە قايتا كۋالاندىرىلعان ادامدارعا ساقتاندىرۋ ۇيىمدارىنىڭ قاراجاتى ەسەبىنەن ساقتاندىرۋ تولەمدەرىن ءومىر بويى جۇزەگە اسىرۋ كوزدەلگەن. مۇنداي الۋشىلاردىڭ سانى شامامەن 1،4 مىڭ ادامدى قۇرايدى.