بۇگىندە قالاعا 55 تروللەيبۋس جەتكىزىلدى، ونىڭ 19-ى №1، №9، №12، №5، №11، №25، №7، №19، №6 مارشرۋتتارعا بەرىلدى. الماتىدا كورسەتىلگەن باعىتتار بويىنشا تاعى 17 جاڭا تروللەيبۋس قوسىلدى، دەپ حابارلايدى Almaty-akshamy.kz
تەحنيكالىق دايىندىقتان وتكەن جاڭا تروللەيبۋستار جولاۋشىلار تاسىمالىنا شىعادى، سونىڭ ناتيجەسىندە بارلىق 9 تروللەيبۋس باعىتى بويىنشا 60% جاڭا تروللەيبۋس جولعا شىعادى.
بۇرىن حابارلانعانداي، الماتىنىڭ №1 تروللەيبۋس پاركى Yutong ZK6128BEVG 12 مەترلىك تومەن ەدەندى تروللەيبۋستاردىڭ ءبىرىنشى پارتياسىن الدى. جىلجىمالى قۇرام الماتى اكىمى ەربولات دوسايەۆتىڭ تاپسىرماسىمەن سوڭعى 11 جىلدا العاش رەت جاڭارتىلىپ جاتىر.
جاڭا "يۋتونگتار" جولاۋشىلاردىڭ جايلى ءارى ءقاۋىپسىز قوزعالىسى ءۇشىن بارلىق قاجەتتى قۇرىلعىمەن جابدىقتالعان، ەلەكتر قۋاتى ءوشىپ قالسا دا باتارەيامەن جۇرە الادى.