جوبا 14 جەلتوقسانعا دەيىن قوعام بولىپ تالقىلاۋ ءۇشىن اشىق نقا سايتىندا جاريالاندى.
قابىلدانعان جاعدايدا 2024 جىلدىڭ 1 قاڭتارىنان باستاپ كۇشىنە ەنەدى، دەپ حابارلايدى Almaty-akshamy.kz
ەڭبەك مينيسترلىگى ارناۋلى كاسىپتىك مەملەكەتتىك جاردەماقىنى تاعايىنداۋ، جۇزەگە اسىرۋ، توقتاتا تۇرۋ، قايتا باستاۋ جانە تولەۋدى توقتاتۋ قاعيدالارىن ازىرلەدى.
تۇسىندىرمە قۇجاتتا بۇيرىق جوباسىن قابىلداۋدىڭ ماقساتى زياندى ەڭبەك جاعدايلارىندا جۇمىس ىستەيتىن قىزمەتكەرلەردىڭ جالپىعا بىردەي بەلگىلەنگەن زەينەتكەرلىك جاسقا تولعانعا دەيىن الەۋمەتتىك قامسىزداندىرىلۋىن ارتتىرۋ جونىندەگى تاسىلدەردى ىسكە اسىرۋ ەكەنى جازىلعان.
مەملەكەت باسشىسى 2023 جىلعى 1 قىركۇيەكتەگى "ادىلەتتى قازاقستاننىڭ ەكونوميكالىق باعدارى" اتتى قازاقستان حالقىنا جولداۋىندا سالالاردىڭ دامۋىنا ەلەۋلى ۇلەس قوسۋدى جانە قىزمەتكەردىڭ دەنساۋلىعىنا زيان كەلتىرۋ دارەجەسىن ەسكەرەتىن زياندى ەڭبەك جاعدايلارىندا جۇمىس ىستەيتىن جۇمىسكەرلەر ءۇشىن 55 جاستان باستاپ زەينەتكەرلىك جاسقا تولعانعا دەيىن ارناۋلى الەۋمەتتىك تولەمدەردى ەنگىزۋ قاجەتتىگىن اتاپ ءوتتى.
مەملەكەت باسشىسىنىڭ تاپسىرماسىن ورىنداۋ ماقساتىندا "قازاقستان رەسپۋبليكاسىنىڭ كەيبىر زاڭنامالىق اكتىلەرىنە قوعامدىق بىرلەستىكتەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسى زاڭىنىڭ جوباسى شەڭبەرىندە كوزدەلگەن زاڭنامالىق تۇزەتۋلەر ازىرلەندى. بۇگىنگى تاڭدا زاڭ جوباسى قازاقستان رەسپۋبليكاسى پارلامەنتى سەناتىنىڭ قاراۋىندا.
وسى زاڭ جوباسىن ىسكە اسىرۋ ءۇشىن "ارناۋلى كاسىپتىك مەملەكەتتىك جاردەماقىنى تاعايىنداۋ، جۇزەگە اسىرۋ، توقتاتا تۇرۋ، قايتا باستاۋ، تولەۋدى توقتاتۋ قاعيدالارىن بەكىتۋ تۋرالى" قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترى بۇيرىعىنىڭ جوباسى ازىرلەندى.
جاردەماقىنى تاعايىنداۋعا جۇگىنۋ ءتارتىبى
جاردەماقىلاردى تاعايىنداۋعا جۇگىنۋ جاردەماقىعا قۇقىق تۋىنداعاننان كەيىن:
مەملەكەتتىك كورپوراسياسىنىڭ بولىمشەسى ارقىلى جۇزەگە اسىرىلۋى مۇمكىن؛
پرواكتيۆتى قىزمەت ارقىلى – پرواكتيۆتى قىزمەت ارقىلى جاردەماقى تاعايىنداۋ كەزىندە ءوتىنىش بەرۋ تالاپ ەتىلمەيدى.
جاردەماقى الۋعا قۇقىعى بار ادامدار مەملەكەتتىك كورپوراسيانىڭ بولىمشەسىنە جەكە باستى كۋالاندىراتىن قۇجاتتى ۇسىنادى.
قۇجاتتاردى قابىلدايتىن مامان "ەلەكتروندىق ۇكىمەت" ءشليۋزى ارقىلى ءتيىستى مەملەكەتتىك ورگاندار مەن (نەمەسە) ۇيىمداردىڭ اۆتوماتتىق جۇيەلەرىنە (بۇدان ءارى – اج):
"جەكە تۇلعالار" مەملەكەتتىك دەرەكقورى اج-دا – ءوتىنىش بەرۋشىنىڭ جەكە باسىن كۋالاندىراتىن جانە تۇرعىلىقتى تۇراتىن جەرى بويىنشا تىركەلگەنىن راستايتىن قۇجاتتار بويىنشا؛
"ە-قورعانشىلىق" اج-دا – قامقورشىلىق (قورعانشىلىق) بەلگىلەۋ تۋرالى قۇجاتتار بويىنشا؛
ەشەبج-نە – زياندى ەڭبەك جاعدايلارى بار جۇمىستاردا جۇمىس ىستەيتىن قىزمەتكەردىڭ ەڭبەك قىزمەتىن توقتاتۋ تۋرالى نەمەسە زياندى فاكتورلاردىڭ اسەرىن بولدىرمايتىن باسقا جۇمىسقا اۋىستىرۋ تۋرالى انىقتاۋ بويىنشا؛
ءتوۇ ااج-دا – ءبىرىڭعاي جيناقتاۋشى زەينەتاقى قورىنا مىندەتتى كاسىپتىك زەينەتاقى جارنالارىن تولەۋدى جۇزەگە اسىرۋ كەزەڭىن انىقتاۋ ءۇشىن جانە ەشەبج-دە مالىمەت بولماعان جاعدايدا، مىندەتتى كاسىپتىك زەينەتاقى جارنالارى توقتاتىلعانى تۋرالى انىقتاۋ بويىنشا؛
"ە-ماكەت" ااج-دا – ءوتىنىش بەرۋشىنىڭ جاسىنا بايلانىستى زەينەتاقى تولەمدەرى مەن جاردەماقى تاعايىنداۋ نەمەسە تاعايىنداۋعا ءوتىنىش بەرۋ فاكتىسى تۋرالى مالىمەتتەردى ناقتىلاۋ ءۇشىن؛
ەدب-عا – بانكتىك شوتى بولۋى تۋرالى مالىمەتتەردى ناقتىلاۋ ءۇشىن سۇراۋ سالۋدى قالىپتاستىرادى.
جاردەماقى تاعايىنداۋ قۇقىعى تۋىنداعان كەزدە ءوتىنىش بەرۋشىنىڭ ۇيالى بايلانىس ابونەنتتىك قۇرىلعىسىنىڭ تەلەفون ءنومىرى پورتالدا تىركەلگەن جاعدايدا پرواكتيۆتى قىزمەت ۇسىنىلادى. ءوتىنىش بلانكىسىندە كوزدەلگەن مىندەتتەمەلەر مەن شارتتاردى قابىلداۋ، جاردەماقىنى الۋ مۇمكىندىگى تۋرالى الەۋەتتى ءوتىنىش بەرۋشىگە ونىڭ ۇيالى بايلانىس ابونەنتتىك قۇرىلعىسىنىڭ نومىرىنە حابارلاما جىبەرىلەدى.
پرواكتيۆتى قىزمەتتى الۋعا كەلىسىمدى راستاۋ جانە مىندەتتەمەلەردى قابىلداۋ ءۇشىن الەۋەتتى ءوتىنىش بەرۋشى "ە-ماكەت" ااج ينتەگراسياسى ىسكە اسىرىلعان ەكىنشى دەڭگەيدەگى بانكتەردىڭ ۇسىنعان تىزىمىنەن بانكتىك شوتتى تاڭدايدى جانە "ە-ماكەت" ااج ۇسىناتىن سانداردىڭ كومبيناسياسىن تەرۋ ارقىلى جاۋاپ حابارلاما جىبەرەدى.
كۇنتىزبەلىك ءۇش كۇن ىشىندە ءوتىنىش بەرۋشىنىڭ كەلىسىمى بولماعان جاعدايدا پرواكتيۆتى قىزمەت كورسەتۋدەن باس تارتىلادى.
ءوتىنىش بەرۋشىنىڭ پرواكتيۆتى قىزمەت كورسەتۋگە كەلىسىمىن العاننان كەيىن "ە-ماكەت" ااج-عا الەۋمەتتىك تولەم تاعايىنداۋعا ازاماتتاردىڭ وتىنىشتەرىن تىركەۋدىڭ ەلەكتروندىق جۋرنالىندا ءوتىنىمدى اۆتوماتتى تۇردە تىركەۋ جۇرگىزىلەدى.
جاردەماقى تاعايىنداۋ تۋرالى تۇسكەن وتىنىشتەر، ونىڭ ىشىندە ەلەكتروندىق، وتىنىشتەر كەلىپ تۇسكەن كۇنى سول جۇمىس كۇنى ىشىندە، ال جۇمىس كۇنىنەن تىس كەلىپ تۇسكەن جاعدايدا – ءوتىنىش كەلىپ تۇسكەن كۇننەن كەيىنگى ءبىرىنشى جۇمىس كۇنى جاردەماقى تاعايىنداۋعا ازاماتتاردىڭ وتىنىشتەرىن تىركەۋدىڭ جانە ەسەپكە الۋدىڭ ەلەكتروندىق جۋرنالىندا تىركەلەدى.
ءوتىنىش بەرۋشىگە ۇيالى بايلانىس ابونەنتتىك قۇرىلعىسىنا الەۋمەتتىك تولەمگە ءوتىنىمدى قابىلداۋ تۋرالى حابارلاما جىبەرىلەدى.
"ە-ماكەت" ااج-دا اۆتوماتتى تۇردە ەىم جانە جاردەماقىنى تاعايىنداۋ (قايتا ەسەپتەۋ) نەمەسە تاعايىنداۋدان باس تارتۋ تۋرالى شەشىم جوباسى قالىپتاستىرىلادى، ولار جاردەماقى تاعايىنداۋ جونىندەگى ۋاكىلەتتى ورگانعا تۇسەدى.
جاردەماقى تاعايىنداۋ جونىندەگى ۋاكىلەتتى ورگان كەلىپ تۇسكەن ەىم-دى قارايدى جانە نىسان بويىنشا جاردەماقىنى ەىم-گە تۇسكەن كۇننەن باستاپ ءتورت جۇمىس كۇنى ىشىندە تاعايىنداۋ (وزگەرتۋ، تولەمدى قالپىنا كەلتىرۋ، تاعايىنداۋدان باس تارتۋ) تۋرالى شەشىم قابىلدايدى.
باس تارتۋ ءۇشىن نەگىزدەمە انىقتالعاندا، جاردەماقى تاعايىنداۋ جونىندەگى ۋاكىلەتتى ورگان ءوتىنىش بەرۋشىگە جاردەماقى تاعايىنداۋدان (تولەمدى وزگەرتۋدەن، قالپىنا كەلتىرۋدەن) باس تارتۋ تۋرالى حابارلاما جىبەرەدى.