جول-كولىك وقيعالارىنىڭ الدىن الۋ، سونداي-اق رەسپۋبليكا بويىنشا جولدارداعى ءولىم-جىتىم دەڭگەيىنە قوعامنىڭ نازارىن اۋدارۋ ماقساتىندا 13-19 قاراشا ارالىعىندا “جول قوزعالىسى قاۋىپسىزدىگى اپتالىعى” رەسپۋبليكالىق اكسياسى وتكىزىلدى، – دەپ حابارلايدى almaty-akshamy.kz Polisia.kz سىلتەمە جاساپ.
جولداردىڭ ءقاۋىپتى ۋچاسكەلەرىندە پوليسيا قىزمەتكەرلەرى “كوزگە كورىنىپ ءجۇر” اكسياسىن وتكىزدى، ونىڭ بارىسىندا جاياۋ جۇرگىنشىلەرگە ولاردىڭ جول ءجۇرىسى قاعيدارلارىن ساقتاۋى، بالالاردىڭ جارىق شاعىلىستىراتىن ەلەمەنتتەردى پايدالانۋى تۋرالى ايتىلدى.
15 مىڭنان استام جادىنامالار مەن بۋكلەتتەر، 20 مىڭنان استام فليكەرلەر تاراتىلدى.
– سونداي-اق ادامدار كوپ جۇرەتىن جولداردا “ءسىزدىڭ جولاۋشىڭىز – بالا” اكسياسى وتكىزىلدى. پوليسيا قىزمەتكەرلەرى جۇرگىزۋشىلەرگە جول ءجۇرىسى قاعيدالارىن قاتاڭ ساقتاۋدى، بالالاردى تاسىمالداۋ كەزىندە ولاردى ۇستاۋ قۇرىلعىلارىن پايدالانۋدى ەسكەرتىپ، پروفيلاكتيكالىق جۇمىستارعا ەرەكشە نازار اۋداردى، – دەپ حابارلادى ءىىم اكىمشىلىك پوليسيا كوميتەتى.
ودان بولەك جول اپاتتارىندا زارداپ شەككەندەرگە قولداۋ كورسەتۋ ءۇشىن قان تاپسىرۋ اكسياسى جانە مەكتەپكە دەيىنگى مەكەمەلەردىڭ دايىندىق توپتارىنىڭ تاربيەلەنۋشىلەرى مەن باستاۋىش سىنىپ وقۋشىلارى اراسىندا “جۇرگىزۋشىگە حات” بايقاۋى ۇيىمداستىرىلدى.