قازاقستاندىق مەرۋەرت كاۋكەيەۆا مىنبەدەگى تورەشىنىڭ كۇمىس بەلگىسىنە قول جەتكىزدى، دەپ حابارلايدى اlmaty-akshamy.kz.
قازاقستان تەننيس فەدەراسياسىنان ءمالىم ەتكەنىندەي، م.كاۋكەيەۆا الەمدىك تورەشىلەر قاۋىمداستىعىنان مۇنداي جوعارى اتاق العان ەكىنشى قازاقستاندىق قازى اتاندى.
«كۇمىس بەلگى» (Silver Badge) تورەشىلەرگە كاسىبي قىزمەتى نەگىزىندە بەرىلەدى. «كۇمىس بەلگى» الۋ ءۇشىن حالىقارالىق دەڭگەيدەگى كەمىندە 60 ماچقا قازىلىق ەتۋ كەرەك. سونداي-اق «التىن بەلگى» ساناتىنداعى تورەشىلەر مەن سۋپەرۆايزەرلەردەن جوعارى باعا العاننان كەيىن ITF، ATP، WTA جانە Grand Slam جينالىس وتكىزىپ، مۇنداي اتاققا لايىقتىلاردى تاڭدايدى. «كۇمىس بەلگىسى» بار تورەشىلەر «ۇلكەن دۋلىعا»، سول سەكىلدى ITF، ATP، WTA اياسىندا ۇيىمداستىرىلاتىن باسقا دا نەگىزگى جارىستاردا، فينالدارىن قوسا العاندا، قازىلىق ەتە الادى»، - دەپ حابارلادى ۆەدومستۆودان.
وتكەن جىلى قاراشادا قازاقستاننان يۋليا يگناچەنكو ءبىرىنشى بولىپ «كۇمىس بەلگىگە» يە بولعان ەدى.