ەلىمىزدە جەڭىل جول-كولىك وقيعاسىنان كەيىن ساقتاندىرۋ تولەمىن الۋ ءۇشىن قۇجاتتاردى رەسىمدەۋگە مۇمكىندىك بەرەتىن ەۋروحاتتاما قابىلداۋ جوسپارلانۋدا
قارجى نارىعىن رەتتەۋ جانە دامۋ اگەنتتىگىنىڭ مالىمەتىنشە، ەۋروحاتتاما ساقتاندىرۋ جاعدايىن رەتتەۋدىڭ جەڭىلدەتىلگەن ءتارتىبى بولىپ ەسەپتەلەدى، دەپ حابارلايدى Almaty-akshamy.kz
ول، اسىرەسە، ەۋروپا ەلدەرىنىڭ كوپشىلىگىندە جانە رەسەي، بەلارۋس، ۋكراينا، ارمەنيا، وزبەكستان سياقتى ءبىرقاتار تمد ەلدەرىندە ۇسىنىلعان.
- بۇگىندە جولداردا كوپتەگەن ۇساق جول-كولىك وقيعاسى بولادى. ونىڭ كوبىسىندە ادام زارداپ شەگىپ، مۇلىككە زيان كەلمەيدى. ءبىراق ساقتاندىرۋ تولەمىن الۋ ءۇشىن جۇرگىزۋشىلەر جول پوليسياسى قىزمەتكەرلەرىن شاقىرىپ، حاتتاما تولتىرىپ، سوت شەشىمىن كۇتەدى. بۇل پروسەسس ەكى ايعا دەيىن سوزىلادى. ساقتاندىرۋ نارىعىن دامىتۋ تۋرالى زاڭ جوباسىن قاراۋ بارىسىندا ءماجىلىس دەپۋتاتتارى جەڭىل جازاتايىم وقيعالار كەزىندە ساقتاندىرۋ تولەمدەرىن الۋ ءتارتىبىن جول پوليسياسى قىزمەتكەرلەرىنىڭ قاتىسۋىنسىز ەۋروحاتتاما نەگىزىندە وڭايلاتۋ ماسەلەسىن كوتەردى، – دەلىنگەن حابارلامادا.
اگەنتتىك مالىمەتىنشە، بۇل پروسەدۋرا جازاتايىم وقيعانى تىركەۋ جانە زارداپ شەككەندەردىڭ ساقتاندىرۋ تولەمدەرىن الۋ ۋاقىتىن ايتارلىقتاي قىسقارتادى.
ەۋروحاتتاما مىناداي شارتتاردا قولدانىلۋى مۇمكىن:
- جول-كولىك وقيعاسى ەكى كولىكتىڭ سوقتىعىسۋى ناتيجەسىندە بولسا؛
- جول-كولىك وقيعاسى ناتيجەسىندە كولىك قۇرالدارىنا عانا زيان كەلسە (ءومىرى مەن دەنساۋلىعىنا زيان كەلگەن جابىرلەنۋشىلەر بولماعان، ءۇشىنشى تۇلعالار مۇلكىنە زيان كەلتىرىلمەگەن جاعدايدا)؛
- جقو-عا ۇشىراعان ەكى جۇرگىزۋشىنىڭ دە ساقتاندىرۋ ءپوليسىنىڭ بولۋى؛
- جكو-عا قاتىسۋشىلار اراسىندا كىم كىنالى دەگەن ماسەلەدە كەلىسپەۋشىلىكتەردىڭ بولماۋى؛
- جكو-نى تىركەۋ سوت شەشىمىنسىز جانە ىشكى ىستەر ورگاندارى قىزمەتكەرلەرىنسىز جۇرگىزىلسە؛
- ساقتاندىرۋ تولەمى ءبىر ساقتاندىرۋ جاعدايى بويىنشا 100 اەك (2022 جىلى 306 مىڭ تەڭگە) شەگىندە جۇزەگە اسىرىلادى.