بۇگىندە ناۋرىزباي اۋدانىنىڭ "اقجار"، "شۇعىلا"، "تاستىبۇلاق"، "تاۋ جولى"، "جايلاۋ"، "قارعالى"، "قۇرامىس"، "تاۋ سامالى" شاعىناۋداندارىندا 149،6 كم سۋ قۇبىرى جانە 74،8 كم كارىز جەلىلەرىن تارتۋ بويىنشا جۇمىستار جۇرگىزىلۋدە. جۇمىستار تولىق اياقتالعاننان كەيىن اۋداننىڭ 150 مىڭ تۇرعىنى اۋىز سۋمەن قامتاماسىز ەتىلەتىن بولادى، دەپ حابارلايدى اlmaty-akshamy.kz
بەلگىلەنگەن ءبىرىنشى باعىت «قارعالى» سۇزگى ستانسياسى بولدى، ونىڭ قۇرىلىسىن اعىمداعى جىلدىڭ شىلدەسىنە دەيىن اياقتاۋ جوسپارلانۋدا. جاڭا ستانسيا اۋداننىڭ 40 مىڭنان استام تۇرعىنىن سۋمەن ("قاراعايلى"، "قارعالى"، "تاستىبۇلاق"، "قۇرامىس" شاعىناۋداندارى) قامتاماسىز ەتەدى.
وسى شاعىناۋداندا تۇرعىنداردىڭ جايلىلىعى ءۇشىن «حالىقتىڭ بيۋدجەتكە قاتىسۋى» باعدارلاماسى اياسىندا بالالار، ويىن جانە سپورت الاڭدارى سالىندى. ە. دوسايەۆ باعدارلامانى قارجىلاندىرۋدى 500 ملن تەڭگەگە (1،8 ملرد تەڭگەگە دەيىن) ۇلعايتۋدى تاپسىردى.
ساپار بارىسىندا قاراعايلى شاعىناۋدانىنداعى دارىگەرلىك امبۋلاتوريانىڭ اپاتتى عيماراتى بويىنشا شەشىم قابىلداندى. نىسان سەيسميكالىق ءقاۋىپتى جانە 2018 جىلى پايدالانۋعا جارامسىز دەپ تانىلعان. الماتى اكىمىنىڭ ۇسىنىسى بويىنشا امبۋلاتوريا ورنىنا «الەۋمەتتىك قىزمەتتەر ءۇيى» جوباسى ۇلگىسىندە كوپ بالالى انالار ءۇشىن الەۋمەتتىك نىسان سالىناتىن بولادى.
قالا باسشىسى "قۇرامىس" شاعىناۋدانىنداعى مەملەكەتتىك مەنشىكتەگى جەرلەردە (6 گا) ەمحانا مەن بالاباقشا سالۋ ءۇشىن جوبالىق-سمەتالىق قۇجاتتامانى ازىرلەۋدى اياقتاۋدى تاپسىردى.
كوشپەلى جيىن بارىسىندا قالا باسشىسى ينجەنەرلىك جەلىلەردىڭ قۇرىلىسىنا، جول جابىنىن قالپىنا كەلتىرۋگە ەرەكشە نازار اۋداردى. قالالىق موبيلدىلىك باسقارماسىنا "تاستىبۇلاق" شاعىناۋدانىنداعى اعىمداعى جىلى ۇزىندىعى 4،5 كم جولدى اسفالتتاۋ تاپسىرىلدى.
قالاداعى باۋ-باقشا قوعامداستىقتارىنىڭ ماسەلەسى وتكىر تۇر. وسىعان بايلانىستى اۋدان اكىمدىكتەرى قالالىق جوسپارلاۋ جانە ۋربانيستيكا باسقارماسىمەن بىرلەسىپ، ولاردىڭ مارتەبەسىن ناۋرىز ايىنىڭ سوڭىنا دەيىن انىقتايدى. سونداي-اق، قالا باسشىسى "تاستىبۇلاق" جانە "اقجار" شاعىناۋداندارىنداعى سۋ قۇبىرى مەن كارىز جەلىلەرىنە قوسۋ ءۇشىن جاڭا جوباعا باۋ-باقشا قوعامداستىقتارىنىڭ ەسكەرىلمەگەن كوشەلەرىن ەنگىزۋ قاجەتتىگىن اتاپ ءوتتى.
قالا اكىمى اعىمداعى جىلدىڭ ناۋرىز ايىندا بالالاردى قابىلدايتىن "اقجار" شاعىناۋدانىنداعى 120 ورىندىق جاڭا بالاباقشانى ارالاپ كوردى. سونىمەن قاتار، كوشپەلى كەڭەس بارىسىندا (اۋداننىڭ اكىمشىلىك ورتالىعى) مەكتەپ پەن باسسەينى بار 15 گا دەنە شىنىقتىرۋ-ساۋىقتىرۋ كەشەنىن سالۋ ماسەلەسىن شەشۋدى تاپسىردى.
اينالما جول كەزىندە مەگاپوليس باسشىسى تولە بي كوشەسى مەن اباي داڭعىلىن ۇزارتۋدىڭ جاي-كۇيىن تەكسەردى. ە. دوسايەۆ جەر ۋچاسكەلەرىن ساتىپ الۋ پروسەسىن جەدەلدەتۋ جانە وسى جوبالاردى 2022-2023 جىلدارى كەزەڭ-كەزەڭمەن ىسكە اسىرۋدى باستاۋ قاجەتتىگىن اتاپ ءوتتى. ساپار بارىسىندا ناۋرىزباي اۋدانىنىڭ اكىمشىلىك ورتالىعىنا دەيىن مەتروپوليتەندى جوبالاۋ ماسەلەسى قارالدى.
ارالاي كەلە، قالا اكىمى اعىمداعى جىلدىڭ قىركۇيەك ايىندا پايدالانۋعا بەرۋ جوسپارلانعان "اباي" شاعىناۋدانىنداعى («الما سيتي-5» تك، «Qazaq Stroy» مەردىگەرلىك ۇيىمى) 1200 ورىندىق مەكتەپ قۇرىلىسىنىڭ بارىسىمەن تانىستى. سونداي-اق "شۇعىلا" شاعىناۋدانىندا (الاتاۋ داڭعىلى جانە «الەم سيتي» تك) قوسىمشا ەكى مەكتەپتى ىسكە قوسۋ جوسپارلانۋدا.
جالپى، اۋداندا 2022 جىلى بارلىعى 8390 ورىندىق 7 مەكتەپ جانە 1320 ورىندىق 5 بالاباقشا سالۋ جوسپارلانۋدا.
ساپار قورىتىندىسى بويىنشا قالا باسشىسى ناۋرىزباي اۋدانى اكىمىنىڭ جۇمىسىن ماقۇلدادى جانە «شەتسىز قالا» باعدارلاماسى اياسىندا اۋداندى ودان ءارى دامىتۋدى جالعاستىرۋدى تاپسىردى.