جول-كولىك وقيعالارى 6%-عا، ولاردان قايتىس بولعان ازاماتتار سانى 7%-عا وسكەن.
پرەمەر-مينيستردىڭ ءبىرىنشى ورىنباسارى رومان سكليار ەلدەگى جول-كولىك اپاتى تۋرالى ستاتيستيكالىق دەرەكتەردى جاريالادى، دەپ حابارلايدى اlmaty-akshamy.kz
«رەسمي ستاتيستيكاعا سايكەس، 2022 جىلدىڭ قورىتىندىسى بويىنشا جول-كولىك وقيعالارى 6%-عا، ولاردان قايتىس بولعان ازاماتتار سانى 7%-عا جانە جارالانعاندار 6%-عا وسكەن. تالداۋ كورسەتكەندەي، جولداعى اپات ستاتيستيكاسىنىڭ ناشارلاۋى 2020-2021 جىلدارداعى پاندەميا كەزەڭىندە ەنگىزىلگەن شەكتەۋلەر اياسىندا بولىپ وتىر. 2019 جىلمەن سالىستىرعاندا اپات سانى شامامەن 11%-عا، جارالانعاندار 14%-عا قىسقاردى، قايتىس بولعاندار سانى ءىس جۇزىندە سول دەڭگەيدە قالدى»، - دەپ جاۋاپ بەردى ر. سكليار دەپۋتات ساۋالىنا.
وعان قوسا، كەيىنگى جىلدارى ەلىمىزدە اۆتوكولىك سانى ءوسىپ كەلەدى جانە 4،7 ملن كولىك قۇرالى بار (2019 جىلى – 4،1 ملن، 2020 جىلى – 4،2 ملن، 2021 جىلى – 4،3 ملن).
بارلىق جول-كولىك اپاتىنىڭ 75%-عا جۋىعى ەلدى مەكەندەردە، «ولىمگە اكەپ سوعاتىن» جكو جارتىسىنا جۋىعى قالا سىرتىنداعى تراسسالاردا بولادى. ءاربىر ءۇشىنشى جول-كولىك وقيعاسىنا ۇشىراۋشى، قايتىس بولعان جانە جارالانعان ءاربىر ءتورتىنشى ادام – جاياۋ جۇرگىنشىلەر. جكو-نىڭ نەگىزگى سەبەپتەرى جۇرگىزۋشىلەردىڭ جىلدامدىق رەجيمدەرىن اسىرۋى جانە جاياۋ جۇرگىنشىلەردىڭ جول ءجۇرۋ قاعيدالارىن بۇزۋى بولعاندىقتان، پوليسيا ءتيىستى دەن قويۋ شارالارىن كۇشەيتكەن.