قازاقستاندا جەتىم بالالار ءۇشىن جاڭا كاسىبي قابىلداۋشى وتباسى ينستيتۋتى ەنگىزىلەدى

بالالاردى وتباسىندا تاربيەلەۋگە مۇمكىندىك بەرەدى.

2029 جىلعا دەيىن قولايلى وقۋ جاعدايلارى بار جاڭا 1،5 ملن وقۋشى ورنىن ەنگىزۋ مىندەتى تۇر. بۇل تۋرالى ۇكىمەت وتىرىسىندا ق ر وقۋ-اعارتۋ ءمينيسترى اسحات ايماعامبەتوۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«2029 جىلعا دەيىن قولايلى وقۋ جاعدايلارى بار جاڭا 1،5 ملن وقۋشى ورنىن ەنگىزۋ مىندەتى تۇر. وسى ماقساتتا 842 مىڭ جاڭا ورىن «جايلى مەكتەپ» ۇلتتىق جوباسى ارقىلى بەرىلەدى. قوسىمشا 660 مىڭ ورىن باسقا تەتىكتەر ارقىلى ەنگىزىلەدى. ناتيجەسىندە 2030 جىلعا دەيىن ءبىراۋىسىمدىق وقىتۋ فورماتىنا كەزەڭ-كەزەڭمەن كوشۋگە مۇمكىندىك بولادى. مەكتەپتەرگە روبوتوتەحنيكا، حيميا، بيولوگيا، فيزيكا بويىنشا 7 مىڭ ءپان كابينەتى اشىلادى. جىل سايىن شاعىن قالالاردا، اۋدان ورتالىقتارىندا جانە اۋىلداردا ورنالاسقان 1 مىڭعا جۋىق مەكتەپ جاڭعىرتىلادى»، - دەدى اسحات ايماعامبەتوۆ.

ونىڭ اتاپ وتۋىنشە، پرەزيدەنتتىڭ سايلاۋالدى باعدارلاماسىنا سايكەس جاڭا كاسىبي قابىلداۋشى وتباسى ينستيتۋتى ەنگىزىلەدى.

«بۇل جەتىم بالالاردى بالالار ۇيىندە ەمەس، وتباسىندا تاربيەلەۋگە مۇمكىندىك بەرەدى. اسىرەسە، كۇردەلى اۋرۋلارى بار، ءبىر وتباسىنان شىققان بىرنەشە باۋىرلارى بار بالالار ءۇشىن قولايلى شەشىم. قيىن جاعدايداعى بالالارعا قولداۋ كورسەتۋ ورتالىقتارىمەن جۇمىس جۇرگىزىلىپ جاتىر. بارلىق كوللەدج، مەكتەپ پەن بالاباقشا قاۋىپسىزدىك شارالارىمەن قامتاماسىز ەتىلەدى»، - دەدى مينيستر.