بۇل تۋرالى ۇلتتىق ەكونوميكا ءبىرىنشى ۆيسە-مينيسترى تيمۋر جاقسىلىقوۆ مالىمدەدى، دەپ حابارلايدى Almaty-akshamy.kz.
«مەملەكەت باسشىسىنىڭ اكىمدىكتەردىڭ فۋنكسيونالدىعىن قامتاماسىز ەتۋ جانە حالىق ءۇشىن اسا ماڭىزدى ماسەلەلەر بويىنشا ۇيلەستىرۋدى كۇشەيتۋ جونىندەگى تاپسىرماسىن ىسكە اسىرۋ ماقساتىندا وبلىس اكىمدەرى ورىنباسارلارىنىڭ سانىن ءبىر بىرلىككە دەيىن ارتتىرۋ ۇسىنىلادى»، - دەدى تيمۋر جاقسىلىقوۆ ۇكىمەت وتىرىسىندا.
سونىمەن قاتار، ونىڭ ايتۋىنشا، باستاما جەرگىلىكتى اتقارۋشى ورگانداردىڭ قىزمەتىن قارجىلاندىرۋ ءۇشىن بەلگىلەنگەن شەگىندە جۇزەگە اسىرىلادى.
«بۇل باعىتتاعى رەفورمالار جالعاسۋدا. جاڭا بيۋدجەت كودەكسى ازىرلەنۋدە. وسى جۇمىس شەڭبەرىندە بلوكتىق بيۋدجەتتىڭ جەكەلەگەن ەلەمەنتتەرىن ەنگىزۋ پىسىقتالىپ جاتىر. قۇجات بيۋدجەت پروسەسىن تۇبەگەيلى وڭايلاتۋعا جانە مەملەكەتتىك باسقارۋ جۇيەسىن ودان ءارى ورتالىقسىزداندىرۋعا باعىتتالاتىن بولادى. قۇجاتتى كەلەسى جىلدىڭ قىركۇيەك ايىندا پارلامەنتكە ەنگىزۋ جوسپارلانۋدا»، - دەپ قوستى ۆيسە-مينيستر.