بۇل تۋرالى ۇكىمەت وتىرىسىندا ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ايتتى.
ءمينيستردىڭ ايتۋىنشا، 7 جىلدا 3 ملن-نان استام ازاماتتى، ونىڭ ىشىندە 2،3 ملن جاستى، جۇمىسقا ورنالاستىرۋدى قامتاماسىز ەتۋ ءۇشىن جەرگىلىكتى اكىمدىكتەرمەن بىرلەسىپ، وڭىرلىك جۇمىسپەن قامتۋ كارتاسى 2023 جىلدىڭ 15 قاڭتارىنا دەيىن ازىرلەنەدى. كارتادا ءار ءوڭىردىڭ جىلدىق جۇمىسپەن قامتۋ ينديكاتورلارى بەلگىلەنەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءاربىر اشىلعان جۇمىس ورنى بويىنشا مونيتورينگ ەلەكتروندىق ەڭبەك بيرجاسىندا جۇرگىزىلىپ، زەينەتاقى جارنالارى مەن ەڭبەك شارتتارى ارقىلى راستالادى. جۇمىس كۇشىنىڭ ۇتقىرلىعىن ارتتىرۋ ماقساتىندا جۇمىس كۇشىنىڭ تاپشىلىعى بار وڭىرلەرگە ازاماتتاردى تارتۋدىڭ جاڭا مەحانيزمدەرى جۇزەگە اسىرىلادى. مۇنداعى نەگىزگى شارت – جۇمىس ورنىنىڭ بولۋى مەن باسپانامەن قامتاماسىز ەتۋ مۇمكىندىگى. بۇل ءىس-شارالارعا ازاماتتاردىڭ قولجەتىمدىلىگىن ارتتىرۋ جانە ءوز ۋاقىتىندا اقپاراتتاندىرۋ ماقساتىندا وڭىرلەردە ءموبيلدى جۇمىسپەن قامتۋ، جىلجىمالى جارمەڭكە جانە جىلجىمالى وقۋ جوبالارىن ىسكە اسىرماقپىز»، – دەدى تامارا دۇيسەنوۆا.